NOMINATED si Jennylyn Mercado sa dalawang kategorya sa Yahoo Celebrity Awards — Female Kontrabida of the Year for her feisty role as Roxanne sa teleserye niyang Rhodora X at ang isa naman ay Loveteam of the Year along with Mark Herras, leading man niya sa serye.
’Yun nga lang, may fans na nagri-react kung bakit inilagay si Jen sa kontrabida category gayung bida siya sa Rhodora X.
Ang iba namang fans, natutuwa na rin at katwiran nila, convincing kasi ang pagganap ni Jen bilang bad Roxanne sa serye.
Ang mga kapwa-nominado ni Jen sa Kontrabida of the Year category ay sina Andi Eigenmann, Jackie Rice, Kaye Abad at Maja Salvador.
Sa Loveteam of the Year naman, kalaban nila ang Kathniel (Kathryn Bernardo at Daniel Padilla), Sharlene-Nash (Sharlene San Pedro at Nash Aguas), Tom-Den (Tom Rodriguez at Dennis Trillo) at ViceRylle (Vice Ganda at Karylle).
Nagsimula na ang botohan kaya sa fans ni Jen, boto na para magwagi ang inyong idolo.
