Di ko ninanais ipahamak itong
Kawani ng water district sa San Simon,
Na gumagawa at naglilista nitong
Gamit na kailangan sa pag-instilasyon
Kundi bagkus ninanais lamang nating
Maituwid itong palpak na gawain
Ng ilang service crew, na di na po natin,
Iisa-isahin pang sila’y tutukuyin.
Ang serbisyo nila’y medyo ayos naman
At di nanghihingi ng kahit anuman,
Kaya lang gaya ng una kong tinuran
Ang ilan ay tila mayrung kahinaan;
Na tunay naman ding nakaka-irita
Sa ilang applicant para magkalinya,
Bunsod ng aywan kung nag-iisip muna
Bago magpabili ng kailangang pyesa;
Kung saan gaya ng nangyari kailan lang
Sa taga Salusu, kay Mrs. Pagaduan,
Aba’y sukat po bang nagpabili po yan
Ng ubod karami gayong di kailangan?
At kung may nagamit man sa pinabili
Ay Teflon lang yata’t solvent sa PVC,
Kaya’t nagkagastos ito ng malaki
Sa di akalain nitong mangyayari!
(At kung saan bago po nitong nakuhang
Bilhing lahat itong inilista nilang
Iba’t-ibang gamit ay inabot ng buwan,
At ang pinambili ay inutang lamang.)
Di lang iilan ang naringgan na natin
Na nakaranas na’t nasabi sa ‘tin,
Ang kagaya nitong ginawa kay Aming
O kay Ms. Pagaduan ng ‘anak ng teteng’
Di po hangarin ng inyong abang lingkod
Na suspindihin o ipatanggal lubos
Ang mga kawaning ating itinampok
Kundi ang intensyon natin maipa-abot
Sa management o sa kinauukulang
Ahensyang marapat tumingin sa ganyan,
Nang sa gayo’y ating maituwid naman
Ang tila wala sa tamang kalakaran.
Di ko sinasabing mga bobo’t tanga
Ang service crew nitong inyong opisina,
Pero sana naman huwag tayong kumuha
Nitong wala namang ‘experience’ talaga.
Nang sa gayon ay di ang consumer natin
Ang napeperwisyo’t nagdurusa mandin
Sa kapalpakan ng ating ‘magagaling’
Na tuberong aywan kung saan nag-training?
Alam ba ‘nyong bunsod ng kawalang-alam
Nitong ating mga kawaning naturan,
Ay posibleng di lang kakaunti kabayan
Ang maari pa ngang maging biktima n’yan?
Sa pagpapabili ng kung anong gamit
Na di rin naman po pala magagamit;
Na kagaya nga po ng ating nabanggit,
Dala ng posibleng di muna inisip
Kung anong posibleng epekto ng ganyan
Partikular na sa hirap po sa buhay;
Na bago magawang magpakonekta n’yan
Ay bumilang muna ng araw at buwan?
(At bandang huli ay itatago lamang
Nito ang gamit na di pala kailangan?)
Kawani ng water district sa San Simon,
Na gumagawa at naglilista nitong
Gamit na kailangan sa pag-instilasyon
Kundi bagkus ninanais lamang nating
Maituwid itong palpak na gawain
Ng ilang service crew, na di na po natin,
Iisa-isahin pang sila’y tutukuyin.
Ang serbisyo nila’y medyo ayos naman
At di nanghihingi ng kahit anuman,
Kaya lang gaya ng una kong tinuran
Ang ilan ay tila mayrung kahinaan;
Na tunay naman ding nakaka-irita
Sa ilang applicant para magkalinya,
Bunsod ng aywan kung nag-iisip muna
Bago magpabili ng kailangang pyesa;
Kung saan gaya ng nangyari kailan lang
Sa taga Salusu, kay Mrs. Pagaduan,
Aba’y sukat po bang nagpabili po yan
Ng ubod karami gayong di kailangan?
At kung may nagamit man sa pinabili
Ay Teflon lang yata’t solvent sa PVC,
Kaya’t nagkagastos ito ng malaki
Sa di akalain nitong mangyayari!
(At kung saan bago po nitong nakuhang
Bilhing lahat itong inilista nilang
Iba’t-ibang gamit ay inabot ng buwan,
At ang pinambili ay inutang lamang.)
Di lang iilan ang naringgan na natin
Na nakaranas na’t nasabi sa ‘tin,
Ang kagaya nitong ginawa kay Aming
O kay Ms. Pagaduan ng ‘anak ng teteng’
Di po hangarin ng inyong abang lingkod
Na suspindihin o ipatanggal lubos
Ang mga kawaning ating itinampok
Kundi ang intensyon natin maipa-abot
Sa management o sa kinauukulang
Ahensyang marapat tumingin sa ganyan,
Nang sa gayo’y ating maituwid naman
Ang tila wala sa tamang kalakaran.
Di ko sinasabing mga bobo’t tanga
Ang service crew nitong inyong opisina,
Pero sana naman huwag tayong kumuha
Nitong wala namang ‘experience’ talaga.
Nang sa gayon ay di ang consumer natin
Ang napeperwisyo’t nagdurusa mandin
Sa kapalpakan ng ating ‘magagaling’
Na tuberong aywan kung saan nag-training?
Alam ba ‘nyong bunsod ng kawalang-alam
Nitong ating mga kawaning naturan,
Ay posibleng di lang kakaunti kabayan
Ang maari pa ngang maging biktima n’yan?
Sa pagpapabili ng kung anong gamit
Na di rin naman po pala magagamit;
Na kagaya nga po ng ating nabanggit,
Dala ng posibleng di muna inisip
Kung anong posibleng epekto ng ganyan
Partikular na sa hirap po sa buhay;
Na bago magawang magpakonekta n’yan
Ay bumilang muna ng araw at buwan?
(At bandang huli ay itatago lamang
Nito ang gamit na di pala kailangan?)
