Isang patay, anim arestado sa Bocaue buy-bust operations

    587
    0
    SHARE
    BOCAUE, Bulacan — Isa ang patay haban anim ang arestado sa magkakasunod na buybust operation kontra illegal drugs ng Bocaue PNP nitong Linggo.

    Patay ang drug suspect na si Julius Yap alyas Napo, residente ng barangay Batia, matapos manlaban nang matunugan na mga pulis ang katransaksyon.

    Nagpaputok daw ito ng baril laban sa mga otoridad kayat napatay ito nang gantihan ng putok.

    Narekober kay Napo ang kalibre .38 baril, 40 gramo ng shabu na may street value na P100,000.

    Arestado naman ang mag-live in partner na sina Renato Colivar at Janella Anne Salvador na kasama sa bahay ni Napo sa pot session.

    Arestado naman sa isa pang buy-bust operation ang mga drug suspect na sina Jennifer Siongco alyas Bangis, residente ng barangay Taal, at ang mga kasama nitong sina Oliver Prinsipe at Richard Examine.

    Kumagat sa buy-bust operation sina Bangis at sinubukan pang tumakas ng matunugan na pulis ang katransaksyon.

    Nakuha mula sa kanila ang 18 sachets ng hinihinalang shabu na may street value na P25,000.00, mga drug paraphernalia at P500 marked money.

    Arestado din si Manuel Ortulla alyas Mukha ng barangay Caingin, sa isa pang buy-bust operation.

    Nakuha naman kay Mukha ang dalawang gramo ng shabu na nagkakahalaga ng P10,000.00.

    Nasa kustodiya sila ngayon ng Bocaue PNP at nahaharap sa mga kasong pagtutulak at paggamit ng ilegal na droga habang nakalagak na ang bangkay ni Napo sa isang punerarya.

    LEAVE A REPLY

    Please enter your comment!
    Please enter your name here