King tau, kabud ing diria yang memale king salu na
Asensu ning parang tau, kakaskup nang pangisnawa;
Bina nang kasaman dili ing kapurian para keka
Dapot nung king kasiran mu, iti lihim sasaya ya;
At nung kasakitan naman ing king bie mu abalu na,
King kabiguan a kimtan mu, king sarili mag-viva ya!
E na buring darandaman sasanting ya pamibie-bie
Ing taung lihim nang kamuan a’yalang kamale-male;
King agia mang e na neman nananan ning siping bale
Kasaspak nang buksi niti ing akit neng managumpe!
At keta nung nanu na ngan itang keyang ipagkangie,
King uli na ning diria na, yan imbut nang asira ne.
Ing mika-bisita ka mu a medio matinio-tinio,
Mangaba ya batal iti ketang keyang kababatio;
Pakikirandaman na nian pelalung bosis at galo,
Mengari yang mamatukba a manaya ba’nang silo;
At keta nung maliari mu, potang ume na lang mako
Akua no’ pang apangutnan, king saria nung nanu mo?
At nung keta e masanting itang tsismis nang asaglap
Katutula na nang lubus, king diria na babie lunas;
At nung agawa na sana, pamalita na nang agad
Itang makasirang bage a keka imbut nang lasak;
Ing mariria makanian ya king sarili nang pamalak
Pakisiran na ka agiang e me man kepate’t sukat!
Dapot sumangid na niti nung masanting ing balita
Ta’ne man magsabi-sabi, king sarili na magbotua;
Kasusukal nang lub agiang e me ninan mang bitasa
Itang king pangabili mu ing suerti lalapit kusa;
At yan nanan na’na mekad ing ika mibagsak ka sa’
Ban keta’ing kaskup nang salu, king kabiguan mu, numawa!
Ating taung masulit mung ataruk a panugali,
Misan, ating maganaka, malagua mung akua buri;
Atin namang nanan me mang armonian, e me apakli
King agiang bistung balu na king ing kaya itang mali;
Uling kabud pekitua nang matuling ya ing maputi
Ipilit at ipilit na, arapan na man ning Ari!
Uling agiang patingapun at kabukas kong’ mitutua
Angga mu king parehu kong’ alang unabis apala;
Inia nanu’t sayangan mu ing keta misabi wawa
Pasari na ning anti ya a e mu naman ipala?
Kasebian, patulan me yang murit ngara ring aliwa,
Murit ka pa kesa keya, at iti yang tutu ata!
At nung bakit ating taung makanian a karaptanan,
King uli na ning diria ra king kaparang tau, misan
Agagawa ra ing bage king bie ra e karampatan,
Karas ketang e nayun king sarili rang kapanwalan;
Nanu at mangibabo king mabuluk dang kaisipan
Ing e makataung dapat – malaut dang ikarangal!
Nanan mung manese Diria a mamungang sukal a lub
King taung pikakamuan mu, ni e mu kebungil asbuk?
Nanan me mo’ king agia pang mikualta yang alang patlud
Ngening keka e ne man mamerwisyu, babie gutgut?
Ing masanting a solusyon ing diria mu ban maputut
E mu sukat papaliarian ing katuliran a baluktut!
Uling agiang ninu ya man a peka-matinung tau,
Kabud menese yang diria, e salese pihung-pihu;
Yan, agiang makiarap ya pang matinu king cabaluan mu
Mimiral pa mu rin misa itang asal a e ustu;
Ing diria king capilan man cabud yang penusigan mu,
Ya ing keca maging lasun king malagung paintungul mu!
Asensu ning parang tau, kakaskup nang pangisnawa;
Bina nang kasaman dili ing kapurian para keka
Dapot nung king kasiran mu, iti lihim sasaya ya;
At nung kasakitan naman ing king bie mu abalu na,
King kabiguan a kimtan mu, king sarili mag-viva ya!
E na buring darandaman sasanting ya pamibie-bie
Ing taung lihim nang kamuan a’yalang kamale-male;
King agia mang e na neman nananan ning siping bale
Kasaspak nang buksi niti ing akit neng managumpe!
At keta nung nanu na ngan itang keyang ipagkangie,
King uli na ning diria na, yan imbut nang asira ne.
Ing mika-bisita ka mu a medio matinio-tinio,
Mangaba ya batal iti ketang keyang kababatio;
Pakikirandaman na nian pelalung bosis at galo,
Mengari yang mamatukba a manaya ba’nang silo;
At keta nung maliari mu, potang ume na lang mako
Akua no’ pang apangutnan, king saria nung nanu mo?
At nung keta e masanting itang tsismis nang asaglap
Katutula na nang lubus, king diria na babie lunas;
At nung agawa na sana, pamalita na nang agad
Itang makasirang bage a keka imbut nang lasak;
Ing mariria makanian ya king sarili nang pamalak
Pakisiran na ka agiang e me man kepate’t sukat!
Dapot sumangid na niti nung masanting ing balita
Ta’ne man magsabi-sabi, king sarili na magbotua;
Kasusukal nang lub agiang e me ninan mang bitasa
Itang king pangabili mu ing suerti lalapit kusa;
At yan nanan na’na mekad ing ika mibagsak ka sa’
Ban keta’ing kaskup nang salu, king kabiguan mu, numawa!
Ating taung masulit mung ataruk a panugali,
Misan, ating maganaka, malagua mung akua buri;
Atin namang nanan me mang armonian, e me apakli
King agiang bistung balu na king ing kaya itang mali;
Uling kabud pekitua nang matuling ya ing maputi
Ipilit at ipilit na, arapan na man ning Ari!
Uling agiang patingapun at kabukas kong’ mitutua
Angga mu king parehu kong’ alang unabis apala;
Inia nanu’t sayangan mu ing keta misabi wawa
Pasari na ning anti ya a e mu naman ipala?
Kasebian, patulan me yang murit ngara ring aliwa,
Murit ka pa kesa keya, at iti yang tutu ata!
At nung bakit ating taung makanian a karaptanan,
King uli na ning diria ra king kaparang tau, misan
Agagawa ra ing bage king bie ra e karampatan,
Karas ketang e nayun king sarili rang kapanwalan;
Nanu at mangibabo king mabuluk dang kaisipan
Ing e makataung dapat – malaut dang ikarangal!
Nanan mung manese Diria a mamungang sukal a lub
King taung pikakamuan mu, ni e mu kebungil asbuk?
Nanan me mo’ king agia pang mikualta yang alang patlud
Ngening keka e ne man mamerwisyu, babie gutgut?
Ing masanting a solusyon ing diria mu ban maputut
E mu sukat papaliarian ing katuliran a baluktut!
Uling agiang ninu ya man a peka-matinung tau,
Kabud menese yang diria, e salese pihung-pihu;
Yan, agiang makiarap ya pang matinu king cabaluan mu
Mimiral pa mu rin misa itang asal a e ustu;
Ing diria king capilan man cabud yang penusigan mu,
Ya ing keca maging lasun king malagung paintungul mu!
