Inyang mirate ya keng dase y Tasyu
Angga king bayu ya rugu meg-ingalu,
Metung mung bage ing buri nang balu
King kayang asawang e kinupas lagu.
Itang obat karing apulung anak da
Ing bungsu ya kabud tiktak king katsura
Kabang ding siyam pawa lang tipung artista,
Inya anti keni ing pakibaluan na:
At iti nung kenu ne kanu pengagli
Intasang bukud nang kabuntuk at piki,
Kabang mangalagu la at pawang pogi
Ding kapatad niti a mituki-tuki.
“Ing kutang antining ibat na rin keka,
E mu sa’ ikamua pakibatan ku na;
Dening siyam, ing tutu – miyaliwa la tata,
Ing bungsu ya kabud ing talagang keka!”
