Canitang aplit cung manasic, darangle
Dili-dili cu mu carin king marangle;
Acu mung sinarul, solu cung minaswe
At acung memunla king tenam cung pale.
Acung miglagumba, migpasacang danum
King pale tenam cung manayang paranum;
Acu murin itang king abonung gabun
Kinalap, ban keta sumanting cu pupul.
Acung patingapun king pale sisiasat
At king aliwa pang cailangan king dayat;
Pati pamangan na ning cacung damulag
Acu murin keta ing maintun, magdulap.
King egana-ganang atiu king taldawa
Acu pa murin ing lilingun, gagawa;
Alang ninu pa man ing sinaup mo sa’
Angga na king metua ing pale cung mura.
Obat ngening iti dapat nang mapalut
Dacal la ring cacu makisaup-saup?
At nung nanu-nanu ing carelang yaluc
Uling ning balu rang atin nong’ asaluc.
Pagdala ra ka mang mialiwang kapangan,
King kamal na niti e mu maibug kuanan
Ulining balamu presyung tacalanan
Itang lalacu ring yatad king dayatan.
Balu ra ca potang adidinan mu la
Ding keraclan caring durulung, pupunta
Pero mas malamang dandam cang matsura
Potang ating e mu adinan carela.
Tabalu nung bakit meging panugali
Ding aliwang tau ing e ustung gawi;
Ing ortelano ken nu’ya magcabili?
O ngeni mong dacal pamie na’ na wari?
Ing acakit da ren pawang pakinabang
At e ra lalon ing keyang capagalan
Sasarul ya pamu migagastus ne yan
Angga na king iti panupan nang tanam.
Balu ria mung puntan a pibale-bale
Ngening ding aliwa balu reng mapale;
Dapot ‘niang aplit ya sasarul, mamaswe
Labas-labasan dia carin king marangle.
Dacal itang e ra balu ring keraclan
King bie ortelano, keyang casakitan
Carin a nung nune niti lacuan, dasan
Ning pali ning aldo at dimla ning uran.
Map a map micalma yang minupul sapat
At e ya mirasan king albug o malat;
Canita ya mica-sobrang ditac-ditac
At king autang na medyu macabawas;
O nung mipaintagun mica-calamidad
At ing keyang tenam gisan da ring ulad,
Mecad mu metung man alang cusang mampiad
King santungan niti ban dumame agad.
Iti ing menasa maging kalbariu na
Ning bie ortelano kecaban ning bie ra;
A e na magbayu caniang cabilian da
Cabang ating taung sobra capamiasa!
Dili-dili cu mu carin king marangle;
Acu mung sinarul, solu cung minaswe
At acung memunla king tenam cung pale.
Acung miglagumba, migpasacang danum
King pale tenam cung manayang paranum;
Acu murin itang king abonung gabun
Kinalap, ban keta sumanting cu pupul.
Acung patingapun king pale sisiasat
At king aliwa pang cailangan king dayat;
Pati pamangan na ning cacung damulag
Acu murin keta ing maintun, magdulap.
King egana-ganang atiu king taldawa
Acu pa murin ing lilingun, gagawa;
Alang ninu pa man ing sinaup mo sa’
Angga na king metua ing pale cung mura.
Obat ngening iti dapat nang mapalut
Dacal la ring cacu makisaup-saup?
At nung nanu-nanu ing carelang yaluc
Uling ning balu rang atin nong’ asaluc.
Pagdala ra ka mang mialiwang kapangan,
King kamal na niti e mu maibug kuanan
Ulining balamu presyung tacalanan
Itang lalacu ring yatad king dayatan.
Balu ra ca potang adidinan mu la
Ding keraclan caring durulung, pupunta
Pero mas malamang dandam cang matsura
Potang ating e mu adinan carela.
Tabalu nung bakit meging panugali
Ding aliwang tau ing e ustung gawi;
Ing ortelano ken nu’ya magcabili?
O ngeni mong dacal pamie na’ na wari?
Ing acakit da ren pawang pakinabang
At e ra lalon ing keyang capagalan
Sasarul ya pamu migagastus ne yan
Angga na king iti panupan nang tanam.
Balu ria mung puntan a pibale-bale
Ngening ding aliwa balu reng mapale;
Dapot ‘niang aplit ya sasarul, mamaswe
Labas-labasan dia carin king marangle.
Dacal itang e ra balu ring keraclan
King bie ortelano, keyang casakitan
Carin a nung nune niti lacuan, dasan
Ning pali ning aldo at dimla ning uran.
Map a map micalma yang minupul sapat
At e ya mirasan king albug o malat;
Canita ya mica-sobrang ditac-ditac
At king autang na medyu macabawas;
O nung mipaintagun mica-calamidad
At ing keyang tenam gisan da ring ulad,
Mecad mu metung man alang cusang mampiad
King santungan niti ban dumame agad.
Iti ing menasa maging kalbariu na
Ning bie ortelano kecaban ning bie ra;
A e na magbayu caniang cabilian da
Cabang ating taung sobra capamiasa!
