Ing Baryu Kung Aranguren, sakali buri yeng ayan
pangaras yu balen Capas, tuknang ko king kabalenan
Nung manibat ko Menila kunan ye ing kayling dalan
nung manibat kayu Tarlac magpakli kong bandang wanan;
nung mame kayu king Patling siguradu yeng dalanan
kalampas yu kampusantu, ing baryu ku, yapin na yan.
Pangaras yu ketang korba malyari kayung mamili
ing matulid taglus na ka karin king Manlapig at king Lawy
ing papuntang Santa Lucia bandang kaili ya magpakli
dalanan me ing Eskwelang atyu king dane yung kaili,
lampasan ye ing Calumpit, at ing dasnan yung tutuki
ya pin ing awsan dang Baluy ini Sityu yang malati.
Bandang wanan na ning Baluy, CristoRey ya ing awus da
at Sityu Kamatis neman ing ketang kabuntukan na,
ing Baryu ning Aranguren angga ya ketang Pasaka
Ka-ukyat mu ketang sakan baryu ne ning Santa Lucia,
kalampas mu Santa Lucia ya nang dasnan yu kanita
ing baryu na ning O’donnell, o Patling king lagyung matwa.
Magbalik ta Sityu Baluy ning Aranguren kung beitan
keni ya ing angganan na ning Martsa Ning Kamatayan,
Uling keni ya ing Kampu O’donnell a kabalitan
nung nukarin la mikulung ding mebihag king Bataan,
Ing sagradung lugal ayni yang megawang piparusan
antimong peka-golgota ding Kristu na ning balayan.
Keni la mete king sakit, pagal, puyat, danup, kawu
ding malugud king balayan a tinikdo ban maglwalu;
keni minagus ing daya ding mebihag a kalulu
king bengisan ning parusa ding Hapones a berdugu;
at keni ra la timbunan alang puge agyang nanu
ding bangke ra ding mesawing timpalasanan ding lilu.
Ketang libu syam a ralan anam a pulu at lima
ing kagulwan karin Vietnam mapali ya pa kanita,
ing Kampung Amerikanu Navy ngening awusan da
liwalas neng angga Baluy karing Toreng telakad da,
lalam ning kayanakan ku linub kung mekipagobra
karing manalakad bakud abe ra ku’t kabilang da.
Itang Tabun na ning Baluy e ke malyaring kalinguan
uling keni ya mesugat ing kanakung talampakan,
itang pala ketang burak kanaku yang adalpakan
pablasang e ke akakit, ali ke apanginlagan,
at inyang sumaka na ku ikit ke king kasukalan
itang batung pekatanda ning Martsa Ning Kamatayan.
Mangaplas ku talampakan, dapot mangaplas yang lalu
ing kakung kapanamdaman karing bayani tang bigu,
kabang lalon ku ing daya ketang dikut a melutu
aganaka ku ing dayang king gabun ayni tinulu,
at ing kakung kalulungkut, alang sampagang malagu
nune puru dikut gubat ing malabung a panubu.
Aganaka ke kanita ing istoriang pangmarangle
da ring mapastul damulag atmu karanun lalage,
keni kanung lugal ayni mikakunu lang lumele
uling keni atin sasyo, manangis, managule,
ba’t naman mo e la kumyak ding bayaning mengamate
ngening ining libingan da, mekalinguan yang tiwase.
Dakal mu rin a saingsing da ring bayaning magmultu
at ding aliwa ikwa kong apaswalang makabersu
bayu na ikwang melikid ning kekatamung gubyernu
at pepatalakad ne pin ing matas a monumentu,
inya king kakung panuli ketang ibatan kung baryu
ing Golgota ring Bayani, pintalan keng pasibayu.
Tutu, maragul ne ngeni ing makalto pekatanda
dapot dakal pa ing kulang karas king pamangasiwa,
kumpara king kasakitan ding bayani tang miragsa
alang dapat lunto sukal kening tigtugan dang daya,
dapat sana ding sampagang mangalagu at sagiwa
pabangluan de ing libingan da ring kaladwang dakila.
Ayan ye ing kakung baryu, ing Aranguren kung beitan
atyu karin ing Golgota ning Martsa ning Kamatayan,
akit ye karin ing tanda, ning malungkut dang libingan
ding bayaning mengamate king lagyu na ning balayan,
mupin, e ko sa lulungkut sakaling kekong tangalan
magkulangan ya king lingap….mangasukalan ne naman.
pangaras yu balen Capas, tuknang ko king kabalenan
Nung manibat ko Menila kunan ye ing kayling dalan
nung manibat kayu Tarlac magpakli kong bandang wanan;
nung mame kayu king Patling siguradu yeng dalanan
kalampas yu kampusantu, ing baryu ku, yapin na yan.
Pangaras yu ketang korba malyari kayung mamili
ing matulid taglus na ka karin king Manlapig at king Lawy
ing papuntang Santa Lucia bandang kaili ya magpakli
dalanan me ing Eskwelang atyu king dane yung kaili,
lampasan ye ing Calumpit, at ing dasnan yung tutuki
ya pin ing awsan dang Baluy ini Sityu yang malati.
Bandang wanan na ning Baluy, CristoRey ya ing awus da
at Sityu Kamatis neman ing ketang kabuntukan na,
ing Baryu ning Aranguren angga ya ketang Pasaka
Ka-ukyat mu ketang sakan baryu ne ning Santa Lucia,
kalampas mu Santa Lucia ya nang dasnan yu kanita
ing baryu na ning O’donnell, o Patling king lagyung matwa.
Magbalik ta Sityu Baluy ning Aranguren kung beitan
keni ya ing angganan na ning Martsa Ning Kamatayan,
Uling keni ya ing Kampu O’donnell a kabalitan
nung nukarin la mikulung ding mebihag king Bataan,
Ing sagradung lugal ayni yang megawang piparusan
antimong peka-golgota ding Kristu na ning balayan.
Keni la mete king sakit, pagal, puyat, danup, kawu
ding malugud king balayan a tinikdo ban maglwalu;
keni minagus ing daya ding mebihag a kalulu
king bengisan ning parusa ding Hapones a berdugu;
at keni ra la timbunan alang puge agyang nanu
ding bangke ra ding mesawing timpalasanan ding lilu.
Ketang libu syam a ralan anam a pulu at lima
ing kagulwan karin Vietnam mapali ya pa kanita,
ing Kampung Amerikanu Navy ngening awusan da
liwalas neng angga Baluy karing Toreng telakad da,
lalam ning kayanakan ku linub kung mekipagobra
karing manalakad bakud abe ra ku’t kabilang da.
Itang Tabun na ning Baluy e ke malyaring kalinguan
uling keni ya mesugat ing kanakung talampakan,
itang pala ketang burak kanaku yang adalpakan
pablasang e ke akakit, ali ke apanginlagan,
at inyang sumaka na ku ikit ke king kasukalan
itang batung pekatanda ning Martsa Ning Kamatayan.
Mangaplas ku talampakan, dapot mangaplas yang lalu
ing kakung kapanamdaman karing bayani tang bigu,
kabang lalon ku ing daya ketang dikut a melutu
aganaka ku ing dayang king gabun ayni tinulu,
at ing kakung kalulungkut, alang sampagang malagu
nune puru dikut gubat ing malabung a panubu.
Aganaka ke kanita ing istoriang pangmarangle
da ring mapastul damulag atmu karanun lalage,
keni kanung lugal ayni mikakunu lang lumele
uling keni atin sasyo, manangis, managule,
ba’t naman mo e la kumyak ding bayaning mengamate
ngening ining libingan da, mekalinguan yang tiwase.
Dakal mu rin a saingsing da ring bayaning magmultu
at ding aliwa ikwa kong apaswalang makabersu
bayu na ikwang melikid ning kekatamung gubyernu
at pepatalakad ne pin ing matas a monumentu,
inya king kakung panuli ketang ibatan kung baryu
ing Golgota ring Bayani, pintalan keng pasibayu.
Tutu, maragul ne ngeni ing makalto pekatanda
dapot dakal pa ing kulang karas king pamangasiwa,
kumpara king kasakitan ding bayani tang miragsa
alang dapat lunto sukal kening tigtugan dang daya,
dapat sana ding sampagang mangalagu at sagiwa
pabangluan de ing libingan da ring kaladwang dakila.
Ayan ye ing kakung baryu, ing Aranguren kung beitan
atyu karin ing Golgota ning Martsa ning Kamatayan,
akit ye karin ing tanda, ning malungkut dang libingan
ding bayaning mengamate king lagyu na ning balayan,
mupin, e ko sa lulungkut sakaling kekong tangalan
magkulangan ya king lingap….mangasukalan ne naman.
