Kwenta isang taon pa bago sumapit
Ang ‘local election’ ay may maririnig
Na tayo sa ilang ‘political parties’
Kung sinu-sino ang mga nagnanais
Kumandidato riyan ‘comes year 2013’
Kahit malayo pa nga kung tutuusin
At napakarami pang dapat harapin
Bago ang naturang bagay ay isipin
Na lubhang malayo pa para planuhan
Ang pagtakbo sa susunod na halalan,
Gaya halimbawa nitong ang ‘performance’
Ay hindi pasado ‘in terms of governance’
Kundi kumbaga sa baraha’y pantapon
Kung card ng ‘blackjack’ yan o pitsa ng mahjong,
Kaya’t di pa man ay markado na ngayon
Itong pulitikong handa nang itapon.
Na kagaya nitong maraming opisyal,
Na ni hindi man lang natin nakitaan
Ng anumang bagay na ikararangal
Habang sila’y nasa palingkurang bayan.
Na walang ginawa habang nasa puesto
Kundi magpa-‘cute’ sa Kamara’t Senado;
At pagkakitaan lang nila ng husto
Ang pagkakaupo sa ating gobyerno.
Na di nalalayo rin naman kumpara
Sa malaking bilang nitong inuuna
Ang dapat isilid sa sariling bulsa
Kaysa kapakanan ng ‘constituents’ nila.
Ay makabubuting huwag nang tangkain n’yan
Ang pamuli silang kumandidato riyan,
Sapagkat higit pa sa inaasahan
Ay tiyakang sila’y matatalo lamang.
Dahilan na rin sa ano ang pupuede
Nilang sa atin ay maisusumite,
Na nagawa para sa ikabubuti
Ng lahat na at sa ating bayan pati?
Sa ganang amin ay mas makabubuting
Ang humabol muli’y huag munang balakin
Kundi manapa ang pag-ukulang pansin
Ay kung papaanong maisulit sa ‘tin
Ang salaping ating pinasusuweldo.
Liban sa iba pang mga benepisyo
Na karaniwan ng sila-sila mismo
Ang otor para lang makakuha nito.
Puwera pa r’yan syempre ang ‘under-the-table’
Na karaniwan ng ya’y bigay bilang ‘tong’
Ng mga malakas kumitang contractor
Sa proyekto nilang ‘under size all in all’
Na napapalusot sa pamamagitan
Ng pasikreto at patagong lagayan,
Kaya puno’t dulo ng ganyang usapan
‘Sub-standard’ lahat ang kahahantungan
At anumang pag-hihigpit itong gawin
Ng pamahalaan sa ‘road users’ natin
Kung yan ay kalsada ay napakadaling
Mawasak dala ng ganitong gawain.
Na tiyakang sanhi rin ng kasuwapangan
Nitong ilang nasa Pagawaing Bayan
Kaya’t madalas ay tayong mamamayan
Itong biktima ng ganyang kalakaran.
At ang kakapalan d’yan ng pagmumukha
Nitong anhin na lang ay huag nang bumaba
Para manatiling nguso’y mamantika,
Sana’y lubusan nang sa puesto mawala.
At ngayon pa lang ay atin nang ibukod
Mula sa bilang nitong nagkukumahog
Humabol para sa halalang susunod
Ang sa ganang atin marapat iluklok!!!
