Na matagal na ring nakapanungkulan,
Pero minsan kahit simpleng kaso lamang
Ay kung saan dinadala ang usapan.
At bakit nasabi ng aba n’yong lingkod
Ang bagay na ito? Inyong ipahintulot
Ilahad ang ilang bagay na di angkop
Sa pagtupad n’yan ng marapat ikilos.
Kamakailan, isa sa aking manugang
Ay may inilapit upang mamagitan
Sa isang isyung hindi naman kabigatan
Pero di nakaya nitong solusyonan.
Kasi kung ano ang di dapat pansinin
At pakialaman ng punong-nayon namin
Ang pinuna – kaya humantong sa kaunting
Pagtatalong hindi paksa ng usapin
Kundi ang hinggil sa aming pinabakod
Na residential lot na nakapaloob
Sa lupa ng isa kong anak sa abroad,
Na naipanalo sa ‘Municipal Court’.
Laban mismo dito sa may-ari nitong
Residential building na under construction,
Na nag-encroached at ang bahay ipinatong
Nila sa concrete fence, na nagsilbing firewall.
Sa pagitan nitong bahay ng anak ko
At ng ‘on-going’ na ‘construction’ din mismo
Ng ‘high rise building’ ng kamaganak nito,
Na kung saan dapat maging patas ito.
Kaya imbes lubos mapaliwanagan
Ang kapitbahay nitong aking manugang
Hinggil sa kung ano ang bagay na bawal,
Di naayos bagkus ay nagkainitan
Sina Kapitan at ang isa kong anak,
Kung saan pati na di karapat-dapat
Na isyung kailangang ipanakot ni Kap,
Sa oras na iyon sinabi at sukat.
Na kesyo kapagka’ naging Mayor siya
Ang bakod namin ay pagigiba niya;
Yan sa ganang akin napakalinaw na,
Si Kap may ugaling pagka-benggadora.
Aba’y ni Konsehal di pa man nahalal
Ay ganito na ang bagay na tinuran?
Kaya pamuli mang kumandidato yan,
Aywan kung muli pa naming ihahalal”.
Humigit-kumulang yan ang inilahad
Sa akin ng aking manugang at anak
Hinggil sa bagay na ipinangangahas,
Na di naa-ayon sa Saligang Batas.
Pero di ba’t pagka-halal ng mga yan
Ay pinadadalo sa mga ‘seminars’
Upang kahit kaunti ay may matutuhan
Para magamit n’yan sa panunungkulan?
Kung saan marapat i-apply kumbaga
Ang mga bagay na natutuhan nila,
Gaya kung ano ang marapat talaga
Upang ang anumang kaso maresolba.
Kaya lang aywan kung may natutuhan yan
Na gaya ng iba pang Punong Barangay,
Pagkat baka iba ang inatupag n’yan
Kung kaya ang dapat gampanan di alam?!
