at ang tila walang preno sa sarili
nito kung magbitaw ng salita pati,
sa ganang akin ay di kapuripuri.
At di lamang kapwa natin Filipino
itong sa June 30 uupong pangulo
ang pumupuna sa ganitong estilo
kundi pati rin yata buong mundo?
Kaya kung tunay mang mannerism na niya
ang ganyan, na kaunting kibot nagmumura;
Sana matapos na makapanumpa siya,
ang nakasanayan ay kalimutan na.
At ang pagkasabi niya noon kay Alan,
ang siyang gawin nito bilang panuntunan,
na kapag mali siya ay agad sabihan:
ng (“Mayor) di tama ang diskarteng iyan?”
Humigit-kumulang ganyan ang sinabi
kay Cayetano ni Rodrigo Duterte,
(Di ko na lang ga’nong matandaan kasi
kung papano ang eksaktong pagkasabi).
Kaya lang sa puntong yan na di pinalad
si Cayetano sa posisyon niyang hangad,
sino’ng kay Duterte ‘magpapatalastas’
pumuna sa mali at di nararapat?
Gaya halimbawa ng isyu sa Media,
na anhin man naming isipin tila ba
ang katulad namin di ‘welcome’ sa kanya
bunsod ng kung anong pakakakilala?
At kaya raw yata ang ibang kabaro
namin sa propesyon pinapatay nga po
ay sapagkat sila’y ‘corrupt’ at hunyango,
liban sa ang gawa ng iba pa’y liko?
O ‘double-blade’ kaya napag-initan yan
ng kampo ng dating kung i-build-up panay;
pero nang mag-‘over bakod’ sa kalaban,
ang isinulat n’yan ay naging ‘pamatay’?
(At/o nang ito ay di na nga madalas
nabibigyan nitong bulsa ay nagasgas
aa sa kadudukot… ay biglang lumipat
sa kabila itong magaling magsulat?)
Ganyan ba ang nais tukuyin ni Digong
sa naging pahayag niya tungkol doon,
na kaya ang taga Media nade-dedbol
ay dahil umano sa sistemeng iyon?
Kung may ganyang pangyayari man sa iba
di dapat lahatin itong taga Media,
na ang tanging hangad iparating tuwina
Sa mambabasa ang totoo talaga.
Tulad ng sinamang-palad na mapatay
sa ‘Maguindanao massacre 2009,’
Di ba’t ang totoo at talagang pakay
ng mga biktima’y para samahan lang
Ang misis ni Mangudadatu, Esmael
Upang sa Shariff Aguak yan makapag-file
Ng C.O.C., and at that time convoyed by then
a group of what we called veteran Mediamen.
Yan ba ay nang dahil sa sila ay ‘corrupt’
kaya nilikida ng walang patawad,
ng hinihinalang Ampatuan ang utak
ng brutal na pagpatay sa mamahayag?!
