Kaya naman hindi niya pinapalampas ang pagkakataon na pumunta sa nasabing probinsya kapag siya ay isinasama ng asawa.
May hashtag pa ngang #mahalkongsorsogon ang mga picture niya sa Instagram kapag siya ay nagpupunta sa Sorsogon.
Paboritong pasyalan ni Heart ang Bulusan Lake kung saan kinunan ang pre-nup pictorial nila ni Chiz.
Dahil nga sa mga Instagram post ni Heart sa mga pasyalan sa Sorsogon, lalong dinarayo ang probinsya lalung-lalo na sa Donsol na kilala sa whale sharkwatching.
Kamakailan ay binuksan na rin ang isang 400-square meters na surfer’s pavilion sa Brgy. Buenavista, Gubat na inaasahang dadayuhin ng mga foreign at local surfer.
Malaking bagay rin na 100-percent energized na ang probinsya na siyang trinabaho ni Chiz noong naging congressman siya ng lalawigan sa pagnanais niyang lalo itong dayuhin ng mga turista.
