BAGO PA humabol sa pagka-governor
ang dating Senior Board Member sa Capitol
ng Pampanga ay may nagsabi na noon
na siya ang tunay na makatutulong
Sa pag-asenso ng kanyang lalawigan
kung siya’y pamuling pagtitiwalaan
ng mga kabalen para maihalal
sa mas mataas na posisyong pambayan
Matapos na siya ay makapagsilbi
sa Kapitolyo ng ‘3 terms’ yata bale,
(Maliban sa kanyang pagiging Alkalde
sa bayan ng Lubao – na lubhang masuwere
Sa pagkakaroon ng isang matapat
at mapuring anak na lubhang mahirap
hanapin ang gaya niyang ubod ng sipag
at maa-asahan sa lahat ng oras).
At di nagkamali ang taga Pampanga
sa pagka-halal kay Lilia G. Pineda,
Sapagkat animo ay ‘Nanay’ talaga
si Gob ng kanyang mga kaprobinsya
Kung harapin niya ang mga tungkuling
marapat gampanan sa kabalen natin,
Dahilan na rin sa kung kanyang ituring
ay parang sa tunay na kadugo na rin.
At talaga namang walang makatulad
si ‘Nanay’ pagdating sa pangkomunidad
na serbisyo dahil una yan sa lahat,
partikular na sa mga kapuspalad.
Gaya nitong mga nabanggit ni Yabut
na mga proyektong pinatayo ni Gob,
sa kuwatro distrito na kanilang sakop
ng isa pang Bokal, na ‘millions of pesos’
Ang inilaan ni Governor Pineda
para sa konstruksyon ng mga iskwela,
‘multi-purpose covered buildings’ at iba pa
sa walong bayan ng naturang probinsya
Na kung saan itong mga ‘public toilets’
ng bawat iskwela’y pawang ‘elevated,’
kasama pati na ang ‘newly constructed’
na mga ‘school rooms’ para sa ‘students’.
(At itong nasabing ‘elevated classrooms’
ay di lang marahil bilang ‘public schools’
ang mga yan kundi pupuede itong
gamitin ‘as shelters’ sa tamang panahon).
“Natutuwa ako” ang wika ni Yabut,
“magkatulad kami ng mithiin ni Gob,
na masuportahan para makatapos
sa pag-aaral ang sa buhay hikahos”
At dahil na rin sa itong edukasyon
ay isa sa mga nais ni Governor
na mabigyan ng ‘top priorities’ ngayon
para iangat ang mga ‘public schools’
Na kung saan ang bahaging intelektwal
ng edukasyon ay tunay na di lamang
kinokonsidera, kundi sa pisikal
na aspeto pati sa puntong naturan.
Di ko sinasabing ang mga naunang
nagsi-upo bilang Punong Lalawigan
ay walang nagawa sa panunungkulan
kaya naisulat ko ang bagay na yan.
Kundi bagkus mga ‘pieces of advice’ lang
na pupuede natin naman ding tularan,
sakali’t maghangad tayo balang araw
na maging Governor ding tulad ni ‘Nanay’!
