ING PAMITIPUN-TIPUN ta pu ngeni keti, maluwat na neng layun ning kekatamung gobernador. Mag-umpisa pa mu ing keyang mumunang terminu, minapse neng amanu ing indu ning lalawigan king matas nang paulaga karing Kapampangan king media.
Kaministilan mu ping ipagmaragul tala ding kabalen tamung ginawang lagyu, e mu para king sarili da, nune pati na para king balayan da king larangan ning mass media. Ala pung diario, radyu o television channel king Menila,
ing alang Kapampangan kareng karelang editors, reporters, o newscasters.
Tutung e la ditak karing talapamalitang Kapampangan ding minye at bibiye pang masabal king balen, katapataan king katutuwan, ampong pamanalakaran king katuliran king aldo-aldo dang pamanyapat king karelang katungkulan.
Kening mumuna nang pamamye galal kareti ning lalawigan, karapat-dapat mung muna la naman detang maka-higit e mu king edad nune king karanasan at kontribusyun king pamamalita’t pamanyulat e mu keti Kapampangan nune king mabilug a Pilipinas man.
Anyasa, ding criteria pung ginamit kening pamamiye rekognisyun tamu ila ing: 1) edad 70 patas; 2) dedikasyun ning maragul a parti ning kayang bie – e bababa king 40 banwa — king mass media; 3) metung mu man karing pengari na ing Kapampangan.
Higit king edad, ing dedikasyun king propesyun ing magsilbing tala ning inspirasyun a bibye ra dening kekatamung makatuwa karing kayanakan a peryodistang Kapampangan. Paintulutan yu pung i-halimbawa ke y Rizal Policarpio – Mang Rizal, paki-talakad na mu pu para akilala da kayo.
Nuan yang higit kekatamu ngan y Mang Rizal, ali mu king kayang dedikasyun king propesyun nune pati king commitment na kaniti. Total, absolute commitment, a kinaul na buong biye na, anya pu e ne linawe pang aliwang obra, higit pa kanita, anya ene pu mekapakiyasawa.
Rizal’s bride is the Muse of Journalism. Tune makapanaun ing pamangilalang binye na ning lalawigan karening kekatamung igpa king pamamalita. Pamangilala king kayapan at kabiyasnan a magsilbing hulmaan o padrun para karing tutuking henerasyun.
Masakit man pung aminan, dakal na pung e masampat a kalakaran king pamamalita keti king lalawigan. Ibat karing opisyal tamu keti Kapitolyu, karing kabalenan, angga na karing pribadung negosyu ampong indibiduwal, dakal na ing kekatamung daramdaman a sukal a lub at sakit buntuk, karing sasabyan dang mamamagpalimus, mamamamilit, makukulit manyad pera o nanu pang grasya imbes na istorya karela.
Ding opisyales, angga king kubeta, titikadan da la. Ating airline company king Clark ing sinumbung a kikilan dang libreng tiket papunta Boracay, Cebu o Davao, plus hotel allowance. Ding shopping malls, ugali da na lang adwanan
gift certifi cates. Ding hotels, FOCs.
Tutu na pung mipapakarok ne ing itsura ning media keti Pampanga. Kailangan ta na pung maksiyun. Pauli na ning alang government restrictions keng media, anya pu atin tamung responsibilidad to police our own ranks.
Paintungul ketang pamaglinis keng dake ning media, ding sablang media organizations keti lalawigan – king initiatibu ning Central Luzon Media Association-Pampanga ampon ning Angeles City Press and Radio Club – in an unprecedented move, passed a resolution denouncing one sorry excuse for a mediaman for his acts that have put the whole of Pampanga media to shame.
Megumpisa no pung mikalat ding kopya na niting resolusyun karing sablang LGUs, shopping malls, private companies and business and civic groups, for their information and guidance.
We owe it to those who have come before us – to those we honor today – who have raised the standards of integrity, of accountability, of fairness and independence, of excellence in journalism; we owe it to the public we serve; we owe it to our leaders who believe in us, to be always true to the Code to which we vowed our sacred honor.
Rest assured that we shall always be. Or at least do our best to be.
(Ing makuyad a pamanyalita ning kolumnista king pamamiye galal karing matenakan a talasulat at talapamalitang Kapampangan, Disyembre 2, 2013 bilang parti ning kapagmasusiyan king 442 aldo kebaitan ning lalawigan.)
