It seems work is no longer work for Dingdong Dantes and Marian Rivera. Kasi nga, real life lovers sila kaya nakakapagtrabaho na sila, they have more time for each other pa.
“So far, so good! Excited kami to launch this February,” sabi ni Dingdong nang makapanayam namin recently.
“’Yong first day ng taping namin, nakakatuwa dahil ang ganda lumabas. Kasi nakita namin na talagang ‘yong chemistry namin, nando’n pa rin talaga. And ‘yong role ko dito, it’s something that I haven’t done before. It deals with someone who is not human so, it’s very interesting.”
Angel of Death kasi ang papel na ginagampanan ni Dingdong. Susunduin niya si Marian na nakatakda nang mamatay.
Pero na-inlove siya kaya gumawa siya ng paraan na mabuhay pa rin ito. Iba raw talaga ang saya at sigla nina Dingdong at Marian sa set o taping ng My Beloved.
“It’s very refreshing. Parang ibang Marian ‘yong nakakatrabaho ko, eh. Dahil bukod sa iba ‘yong kanyang hitsura eh, nag-iba talaga ‘yong kanyang working attitude.
She has improved a lot. And I’m very proud of her dahil sobrang naging professional siya sa kanyang trabaho.
Hindi ko naman sinasabing dati, hindi. But… lalung-lalo na ngayon. To a different level na talagang… nakakamangha at nakaka-inspire. So I’m very proud of her in that aspect.”
Ano ba ang advantage kapag ang girlfriend nga niyang si Marian ang kanyang katrabaho?
“Well, definitely I’m happy because I get to spend more time with her on and off cam.”
Meron din bang disadvantage kapag sila ang magkapareha?
“Wala. Kasi mas nangingibabaw ‘yong advantages. Kaya magkaroon man ng disadvantage, wala na ‘yon. Walang kuwenta ‘yon.”
Palapit na ang Valentine’s Day. Paano nila ito isi-celebrate?
“Maggi-guest ako sa concert nina Ogie (Alcasid) at saka ni Regine (Velasquez). So, hopefully ando’n siya (Marian). But definitely, immediately after, ilalabas ko siya.”
May naka-ready na raw siyang Valentine’s gift for Marian.
“Pero hindi ko na sasabihin. Secret na lang,” nangiting sabi ni Dingdong.
Hindi na raw siya nag-i-expect ng anumang gift from Marian sa Araw Ng Mga Puso.
“Basta ipagpatuloy lang niya ‘yong pagiging makarinyo niya sa akin. At wala na akong hihilingin pang iba.”
And with that, siguradong kilig na naman ang mga Dongyan fans.
