ng isang adik at ang ‘parents’ ng bata
ay di malaman ang gagawin ika nga,
ang ibang tao ba’y walang magagawa
Para makasuhan ang lumapastangan
at mapanagot sa naging kasalanan,
upang sa gayon ay kanyang pagdusahan
ang pagiging salot nito sa lipunan?
At mabigyan din ng hustisya ang bata
sa sinapit, kung ang mga magulang nga
ng biktima’y basta lang nakatunganga
sanhi ng kawalang kakayahan ika?
O nang dahil na rin sa Kapitan mismo
ng barangay na di naging agresibo
sa pag-istima at pagsampa ng kaso,
pagkat kamag-anak yata n’yan umano?
At kung saan tama’t may medico legal
ng sumuri pero ang ‘findings’ yata niyan,
Nna nagalaw nga ang bata’y pinalitan,
kaya negatibo ang kinauwian
Ng ‘medical result’ na inaasahan
nilang positibo at magpapatunay
na nagalaw nga ng ‘rapist’ ang batang yan,
(“Moot and academic” na’t wala ng saysay)
Para maisampa ng ‘parents’ ng bata
sa piskalya ang kasong panggagahasa,
Pagkat dahil sa ‘cover up’ na ginawa
ng punong barangay ya’y nabale-wala?
At ang isang bagay na maituturing
na kapalpakan ng otoridad natin
ay ang pangyayaring nang kanilang dakpin
ang ‘suspected rapist’ ay wala pa manding
Ano pa mang kasong dapat harapin niya
laban sa ‘complainant’ sa ating Piskalya,
kaya’t nang dahil sa kanilang pangamba
na makasuhan ng (‘illegal arrest’ ba?)
Ito’y pinalaya rin makaraan lang
ng ilang oras sa loob ng piitan
nang dahil marahil na rin kay Kapitan,
(Na ‘cover-up’ nga ang ating pagka-alam).
Sa pangyayaring yan ating ninanais
alamin sa ating ‘Department of Justice’
kung anong hakbang pa ang puede magamit
ng biktima laban sa hayok na ‘rapist’
Sakalit ang mga magulang ng bata
ay sadyang wala na talagang magawa
para maisulong pa n’yan kaipala
ang kaso laban sa taong nanggahasa
Sa kanilang anak na paslit pang tunay
para danasin ang masaklap na bagay,
na nanganganib na mawalan ng saysay
pati karapatan niyang makapamuhay
Ng may dangal dahil sa lubhang mailap
ang hustisya sa katulad nilang hirap
sa kabuhayan at gabutil mang pilak
ay walang laman ang magkabilang palad
Para ipaglaban ang karapatan niya
bilang tao na may puso’t kaluluwa,
At nang dahil na rin sa gawa ng iba
nangingibabaw ang ‘injustice’ sa tuwina!
