Doon po sa Kongreso, sila-sila’y nagpulong
Pikit-matang isinusulong
Panukalang right of reply bill
Nang mga kongresistang matatabil.
Kahit sa Konstitusyon ay labag
Hindi sila titigil hanggat hindi in the bag
Panukalang right of reply bill tinututulan
Hindi lamang ng iilan.
Doon po sa Kongreso, panukalang reply bill
Kapag pinagtibay, tiyak na kikitil
Malayang pamamahayag ipagkakait
Umaasang mamamayan malalait.
Katotohanan ay tiyak na bubusalan
Maghahari ang katangahan at kawalan
Mga pahayagan, radyo at TV ano ang magiging laman
Mga kuwentong malayo sa katotohanan.
Doon po sa Kongreso, tayo ay kinakatawan
Nang mga kongresistang nahiwalay sa kawan
Reply bill na kanilang pagtitibayin
Ikaw, ako, tayo, buong bayan mamalasin.
Doon po sa Kongreso, patas na pagbabalita nais nila
Ngunit ito’y kung pabor lamang sa kanila
Mga mamamahayag lagi silang hanap
Upang panig nila’y maging ganap.
q q q
Doon po sa amin, lalawigan ng Bulacan
Malayo pa ang halalan
Mga pulitiko’y gayak na gayak na
Parang maiiwan ng biyaheng nanghahalina.
Sabit dito, pako doon
Sa mga lansangan sa dako paroon
Tarpaulin poster nila’y hindi mabilang
Kaya’t maging mga driver ay naiilang.
Larawang makukulay ay mga nakangiti
Kahit mga kababaya’y sa hirap nanggagalaiti
Layunin ay face at name recall
Para halalang hindi malaman kung ukol.
Uy, nagpapakilala na si Tamulmol
Larawa’y inihanay sa kapwa pulitikong gahol
Mukha sa litrato’y ipinaretoke, digitized ‘ika nga
Kulubot at tagihawat at naglaho na nga.
Alok nila’y paglilingkod sa bayan
Kaya’t mga kababaya’y ayaw lubayan
Tingnan mo ang mga larawang di mabilang
Hindi ba’t parang natutulog lang.
Santa Mariang garapon
Kung mahalal sila’y nawa’y hindi matulad sa hipon
Laging nagpapatangay sa agos
Kaya’t sa hirap bayan ay hindi matubos.
Sabi nga ni Ka Blas, malalambot kanilang gulugod
Kaya’t sa prinsipyo’y laging hilahod
Nakakatulad nila’y alulod
Umula’t umaraw ay nakasahod.
O bayang nakatulog, ikaw ay gumising
Mga lingkod mo’y sa kapangyariha’y nalasing
Bumangon ka’t iyong husgahan
Sa kinabukasan ba, sila’y maasahanan.
Gising, o bayang nahimbing
Suriin silang mga balimbing
Sa nagdaang halala’y tupa ang kahambing
Ngunit ng maposisyon, asal ay kambing.
Suwag dito, suwag doon.
Lahat ay nais baguhin maging Konstitusyon
Upang mapalawig sa kapangyarihan kanilang salinlahi
Kahit ano ay gagawin manatili lamang sa paghahari.
Pikit-matang isinusulong
Panukalang right of reply bill
Nang mga kongresistang matatabil.
Kahit sa Konstitusyon ay labag
Hindi sila titigil hanggat hindi in the bag
Panukalang right of reply bill tinututulan
Hindi lamang ng iilan.
Doon po sa Kongreso, panukalang reply bill
Kapag pinagtibay, tiyak na kikitil
Malayang pamamahayag ipagkakait
Umaasang mamamayan malalait.
Katotohanan ay tiyak na bubusalan
Maghahari ang katangahan at kawalan
Mga pahayagan, radyo at TV ano ang magiging laman
Mga kuwentong malayo sa katotohanan.
Doon po sa Kongreso, tayo ay kinakatawan
Nang mga kongresistang nahiwalay sa kawan
Reply bill na kanilang pagtitibayin
Ikaw, ako, tayo, buong bayan mamalasin.
Doon po sa Kongreso, patas na pagbabalita nais nila
Ngunit ito’y kung pabor lamang sa kanila
Mga mamamahayag lagi silang hanap
Upang panig nila’y maging ganap.
q q q
Doon po sa amin, lalawigan ng Bulacan
Malayo pa ang halalan
Mga pulitiko’y gayak na gayak na
Parang maiiwan ng biyaheng nanghahalina.
Sabit dito, pako doon
Sa mga lansangan sa dako paroon
Tarpaulin poster nila’y hindi mabilang
Kaya’t maging mga driver ay naiilang.
Larawang makukulay ay mga nakangiti
Kahit mga kababaya’y sa hirap nanggagalaiti
Layunin ay face at name recall
Para halalang hindi malaman kung ukol.
Uy, nagpapakilala na si Tamulmol
Larawa’y inihanay sa kapwa pulitikong gahol
Mukha sa litrato’y ipinaretoke, digitized ‘ika nga
Kulubot at tagihawat at naglaho na nga.
Alok nila’y paglilingkod sa bayan
Kaya’t mga kababaya’y ayaw lubayan
Tingnan mo ang mga larawang di mabilang
Hindi ba’t parang natutulog lang.
Santa Mariang garapon
Kung mahalal sila’y nawa’y hindi matulad sa hipon
Laging nagpapatangay sa agos
Kaya’t sa hirap bayan ay hindi matubos.
Sabi nga ni Ka Blas, malalambot kanilang gulugod
Kaya’t sa prinsipyo’y laging hilahod
Nakakatulad nila’y alulod
Umula’t umaraw ay nakasahod.
O bayang nakatulog, ikaw ay gumising
Mga lingkod mo’y sa kapangyariha’y nalasing
Bumangon ka’t iyong husgahan
Sa kinabukasan ba, sila’y maasahanan.
Gising, o bayang nahimbing
Suriin silang mga balimbing
Sa nagdaang halala’y tupa ang kahambing
Ngunit ng maposisyon, asal ay kambing.
Suwag dito, suwag doon.
Lahat ay nais baguhin maging Konstitusyon
Upang mapalawig sa kapangyarihan kanilang salinlahi
Kahit ano ay gagawin manatili lamang sa paghahari.
