Doon po sa Kampo Olivas
Bagong linya ng komunikasyon inilabas
I-text mo lang daw, pulis ay kikilos
Sana naman ay hindi padalos-dalos.
Mag-text lamang daw sa 700-7673
Huwag lang hihingi ng Christmas tree
Mga manloloko’y maging alisto
Malapit na kayong mabisto.
Isang text lang ang katapat
Nang mga kalokohang hindi dapat
Mga pulis daw ay kikilos ng mabilis
Upang madakip lokong tumatalilis.
Doon po sa Kampo Olivas
Problema ng Bulacan PD ay inilabas
Makapanayam daw siya’y huwag pangarapin
At kung weekend huwag abalahin.
Baka daw na-culture shock ang PD ng Bulacan
Depensa ng kanyang mga pulis na kaibigan
Kung sabagay, dapat din namang unawain
Baka kung weekend ay marami siyang labahin.
Mga pulis na ayaw maabala, baka nga naglalaba
Kumilos kayo’t baka kapitan ng talaba
Parang Diyos, nagpahinga sa ikapitong araw
Aba, ang trabaho ninyo’y walang pinipiling araw.
Doon po sa amin, bayan ng Hagonoy
Kalsada’y nilulumot, sa tubig naglulunoy
Hanggang tuhod, hanggang binti
Hatid ay alipungang nangangati.
Tambak dito, tambak doon
Kalsada’y itinaas, mga bahay ay nabaon
Konstruksyon ay ubod ng tagal
Kung umusad, talo pa ang pagong sa bagal.
Pagawaing bayang naturingan
Pagbatid ng pagpapagawa’y nasilipan
Hindi malaman kung kailan matatapos
Di malaman kung sino ang kontraktor na igagapos.
Doon po sa amin, bayan ng Hagonoy
Bukol-bukol na lansanga’y nananaghoy
Sabi nga ng Ilonggo, kawawa ang baysikol
Maging ang traysikol ni Bukol.
Kahit umaaraw kami’y binabaha
Hatid ng high tide na walang sawa
Higit na malalim kung may ulan
Apektado maging ang kalakalan.
Doon po sa amin, bayan ng Hagonoy
Kayang-kaya naming lumangoy
Kahit ang tubig ay nangangamoy
Na tulad ng kawawang palaboy.
Doon po sa amin bayan ng Hagonoy
Huwag kayong mahiyang tumuloy
Kahit mga paa’y sa baha naglulunoy
Hinding hindi kayo itataboy.
Puso namin ay laging bukas
Sa pag-asang laging may bukas
Maaliwalas at tiyak na buwenas
Hiling lang nami’y huwag kang kakalas.
Doon po sa amin, Lalawigan ng Bulacan
Nakatitiyak na mainit ang susunod na halalan
Magkakatunggali’y nagpopormahan na
Pero ang bayan, bahala na.
Kanya-kanya silang propaganda
Panay papogi at pagpapaganda
Mga poster ay makukulay at nanghahalina
Sabi ng bayan, minsan kami’y nagkamali na.
Ay naku, mga pulitikong tamulmol
Nakakatulad ay asong kumakahol
Puro ingay, walang mensahe
Mabuti pa ay tumigil at gumarahe.
Bagong linya ng komunikasyon inilabas
I-text mo lang daw, pulis ay kikilos
Sana naman ay hindi padalos-dalos.
Mag-text lamang daw sa 700-7673
Huwag lang hihingi ng Christmas tree
Mga manloloko’y maging alisto
Malapit na kayong mabisto.
Isang text lang ang katapat
Nang mga kalokohang hindi dapat
Mga pulis daw ay kikilos ng mabilis
Upang madakip lokong tumatalilis.
Doon po sa Kampo Olivas
Problema ng Bulacan PD ay inilabas
Makapanayam daw siya’y huwag pangarapin
At kung weekend huwag abalahin.
Baka daw na-culture shock ang PD ng Bulacan
Depensa ng kanyang mga pulis na kaibigan
Kung sabagay, dapat din namang unawain
Baka kung weekend ay marami siyang labahin.
Mga pulis na ayaw maabala, baka nga naglalaba
Kumilos kayo’t baka kapitan ng talaba
Parang Diyos, nagpahinga sa ikapitong araw
Aba, ang trabaho ninyo’y walang pinipiling araw.
Doon po sa amin, bayan ng Hagonoy
Kalsada’y nilulumot, sa tubig naglulunoy
Hanggang tuhod, hanggang binti
Hatid ay alipungang nangangati.
Tambak dito, tambak doon
Kalsada’y itinaas, mga bahay ay nabaon
Konstruksyon ay ubod ng tagal
Kung umusad, talo pa ang pagong sa bagal.
Pagawaing bayang naturingan
Pagbatid ng pagpapagawa’y nasilipan
Hindi malaman kung kailan matatapos
Di malaman kung sino ang kontraktor na igagapos.
Doon po sa amin, bayan ng Hagonoy
Bukol-bukol na lansanga’y nananaghoy
Sabi nga ng Ilonggo, kawawa ang baysikol
Maging ang traysikol ni Bukol.
Kahit umaaraw kami’y binabaha
Hatid ng high tide na walang sawa
Higit na malalim kung may ulan
Apektado maging ang kalakalan.
Doon po sa amin, bayan ng Hagonoy
Kayang-kaya naming lumangoy
Kahit ang tubig ay nangangamoy
Na tulad ng kawawang palaboy.
Doon po sa amin bayan ng Hagonoy
Huwag kayong mahiyang tumuloy
Kahit mga paa’y sa baha naglulunoy
Hinding hindi kayo itataboy.
Puso namin ay laging bukas
Sa pag-asang laging may bukas
Maaliwalas at tiyak na buwenas
Hiling lang nami’y huwag kang kakalas.
Doon po sa amin, Lalawigan ng Bulacan
Nakatitiyak na mainit ang susunod na halalan
Magkakatunggali’y nagpopormahan na
Pero ang bayan, bahala na.
Kanya-kanya silang propaganda
Panay papogi at pagpapaganda
Mga poster ay makukulay at nanghahalina
Sabi ng bayan, minsan kami’y nagkamali na.
Ay naku, mga pulitikong tamulmol
Nakakatulad ay asong kumakahol
Puro ingay, walang mensahe
Mabuti pa ay tumigil at gumarahe.
