(Kaugne ning banuahan a pamagmasusi ning Siyudad San Fernando king aldo nang kebaitan Don Pedro Abad Santos, a mararapat balang Enero 31, keng panimunan ning mapuring anak ning Pampanga, ‘World Class City Mayor’ at salukuyan Presidente ning “League of City Mayors of the Philippines,’ Hon. OSCAR S. RODRIGUEZ, malugud neng yampang ning kekong talasuyu iting kawatasan a makarikil king kabayanian nang Don Perico)
Ninung e makakilala kang Don Pedro Abad Santos
A kabilang karing liping king tepangan mipabantug?
At mas biryan na pa keta ing bie maybug mate danup
Kesa king timawang bili a kemulatan nang lubus,
King ba’nang apatpat keta ing sistemang e makatud
A mengibabo kanita king gamat ding propetaryus
Keta a nung insanu ring king marangle e patugut
Ilang alang yuling pale keng bale ra neng papalut!
Makanano, kulang namu ing e ra ngan soluan keta
Ding ganid a asyenderu itang pupul king gabun da;
At pablasang ma-prinsipyung tau ketang panaun na,
Ing “land reform”, ditak-ditak, pinla na ne kanita pa;
Pati social justice program ning Presidente kanita,
E na pitakutan niting pinintas arap ning masa;
Pikanlapan de y “Perico”, Sentral Luzon ding makualta,
Ulining ukulan deting iti suksuk ya karela.
Pablasang mibait ya man king dase ning kayatinan,
Y Don Pedro simpli yamu at alang ditmang ketasan;
Kaya ding pakakalulu, ilang dapat munang saupan
At sukat nang ipaglualu laban king e karampatan;
Nung iniasa’t keti Sentral Luzon ya ing mitagurian
“Champion of the Peasants” ngara at peka-founder na bilang
Ning “Socialist Party of the Philippines” king kabilugan.
Bilang abogadu, e la ditak kilub ning aldo-aldo
Ding kalulung ortelanu a pasaup kang Don Pedro;
Karin, a nu’ ding kasaup na lima lang abugado,
Dapot libri mu’ing serbisyong pagkalub na karing tau;
Misan ya pang babie kualta ban asaupan na lang ustu
Detang alang pilisunan king kalukan a masolu;
At keta nung ating datang a mamitbit sang’ rigalu,
Kemarailan, king magdala, ipauli namung pihu.
Y Don Pedro, makanian ya kasampat a pilubluban
At e ya migkait saup kenu pa mang mengailangan;
Nung inia king meging bie na, waman e’ibat king kalukan,
Birian na pa ing king paka-kalulu mu miglayunan,
Kabang king balen Minalin niti sindu ing kimutan
A belangkas deti laban king e ustung kalakaran;
Angga na king mirate ya king dase ning kakaluluan,
At isuku na ing sabla king Ginung Dios a Miglalang!
Pilan la pa? O atin pa kayang anti kang Don Pedro
A keta mas pinili nong’ pakiabayan ding kalulu
At den ipaglualu na la laban karing propetaryu
Kabang ya king keyang bili kabilang de reti mismu?
Inia nung ya kalupa ria ding karaniwan a tau,
Nanu’t e na king propesyon niti bilang abogadu
Ampon alang nanu pa mang liliwan king bie misentru
Ing pulayi na ning sabla king bayaning Fernandino?
A nu’ angga king panaun a’yti ala pang malino
Ulat a nu’ ing katawan nang gabun ning mal tang’ ‘hero,’
Milibing ya o ali king ‘public cemetery’ mismu
Ning balayan ning Minalin ketang panaun ning gulu;
Ulining pelalung bale o sintungan niting kubu
E ra balung ituldu ken o linawan nung insanu
King dane o sakup na ning barangay Sto. Rosario
Milibing ing bangkala nng matenakan a Don Pedro!
Ninung e makakilala kang Don Pedro Abad Santos
A kabilang karing liping king tepangan mipabantug?
At mas biryan na pa keta ing bie maybug mate danup
Kesa king timawang bili a kemulatan nang lubus,
King ba’nang apatpat keta ing sistemang e makatud
A mengibabo kanita king gamat ding propetaryus
Keta a nung insanu ring king marangle e patugut
Ilang alang yuling pale keng bale ra neng papalut!
Makanano, kulang namu ing e ra ngan soluan keta
Ding ganid a asyenderu itang pupul king gabun da;
At pablasang ma-prinsipyung tau ketang panaun na,
Ing “land reform”, ditak-ditak, pinla na ne kanita pa;
Pati social justice program ning Presidente kanita,
E na pitakutan niting pinintas arap ning masa;
Pikanlapan de y “Perico”, Sentral Luzon ding makualta,
Ulining ukulan deting iti suksuk ya karela.
Pablasang mibait ya man king dase ning kayatinan,
Y Don Pedro simpli yamu at alang ditmang ketasan;
Kaya ding pakakalulu, ilang dapat munang saupan
At sukat nang ipaglualu laban king e karampatan;
Nung iniasa’t keti Sentral Luzon ya ing mitagurian
“Champion of the Peasants” ngara at peka-founder na bilang
Ning “Socialist Party of the Philippines” king kabilugan.
Bilang abogadu, e la ditak kilub ning aldo-aldo
Ding kalulung ortelanu a pasaup kang Don Pedro;
Karin, a nu’ ding kasaup na lima lang abugado,
Dapot libri mu’ing serbisyong pagkalub na karing tau;
Misan ya pang babie kualta ban asaupan na lang ustu
Detang alang pilisunan king kalukan a masolu;
At keta nung ating datang a mamitbit sang’ rigalu,
Kemarailan, king magdala, ipauli namung pihu.
Y Don Pedro, makanian ya kasampat a pilubluban
At e ya migkait saup kenu pa mang mengailangan;
Nung inia king meging bie na, waman e’ibat king kalukan,
Birian na pa ing king paka-kalulu mu miglayunan,
Kabang king balen Minalin niti sindu ing kimutan
A belangkas deti laban king e ustung kalakaran;
Angga na king mirate ya king dase ning kakaluluan,
At isuku na ing sabla king Ginung Dios a Miglalang!
Pilan la pa? O atin pa kayang anti kang Don Pedro
A keta mas pinili nong’ pakiabayan ding kalulu
At den ipaglualu na la laban karing propetaryu
Kabang ya king keyang bili kabilang de reti mismu?
Inia nung ya kalupa ria ding karaniwan a tau,
Nanu’t e na king propesyon niti bilang abogadu
Ampon alang nanu pa mang liliwan king bie misentru
Ing pulayi na ning sabla king bayaning Fernandino?
A nu’ angga king panaun a’yti ala pang malino
Ulat a nu’ ing katawan nang gabun ning mal tang’ ‘hero,’
Milibing ya o ali king ‘public cemetery’ mismu
Ning balayan ning Minalin ketang panaun ning gulu;
Ulining pelalung bale o sintungan niting kubu
E ra balung ituldu ken o linawan nung insanu
King dane o sakup na ning barangay Sto. Rosario
Milibing ing bangkala nng matenakan a Don Pedro!
