NGAYONG naglabas na r’yan ng ‘marching order’
si Pangulong Digong para madaliin
ang pagpapatapos nitong ‘new passenger
terminal at CIAC on top of projects lined’.
Ganun din naman ang kanyang ini-atas,
na itong ‘railway’ na magdurugtong sa Clark
at Metro-Manila maipatapos dapat
‘prior to his 6 years stay at the Palace’
As said by Bases Conversion Development
Authority CEO and President
Vivencio Dizon, this early he’s confi dent
that said railway would be fi nished as expected.
Sa kabilang dako, ang Pangulo ng CIAC
Alex Cauguiran, ihahanda lahat
ng tanggapan niya ang mga ‘bid contract’
para sa disensyo ng ‘new airport’ sa Clark
Upang ang trabaho ay maumpisahan
‘next year’ kapag okey na ang kasunduan,
nang sa gayon pati na ang kagustuhan
ng Pangulo na matapos ang terminal
‘Comes year 2019’ ganap na matupad
(at magkarun tayo dito sa’tin sa Clark
ng Pandaigdigang Paliparang ‘world class,’
na ikararangal nitong Pilipinas!)
Inaasahang sa mahigit sa P3 bilyon
na magagamit na ‘funding allocation’
at ani Alex ay ‘general appropriation,’
tiyak ‘next year’ tapos lahat ang ‘construction’.
At kung tunay nga na itong Malakanyang
ay interisado yatang magtayo yan
ng bagong ‘government center’ umno riyan,
gagandang lalo ang ating Clark, kabayan.
At makikilalang lubos itong bansa
sa ‘International Community,’ Kaka
kapag nagkataong itong ninanasa
ng ating Pangulo ganap maipagawa.
AT SANA, yaman din lang na ninanais
ni Pangulong Digong (na tila kagalit
na yata ni Uncle Sam itong Philippines)
ang taguring Clark ay dapat nang mapalit
At ang itawag ay ang sariling atin,
gaya ng DPM, na aywan lang natin
kung sinong nakialam, nagawang baguhin,
ang katawagan na di dapat alisin.
At itong dayuhan na isang piloto
na wala rin namang naging papel dito
para kilalanin… ang siyang inidolo,
gayong sa ‘plane crash’ lang nadisgrasya ito.
At wala rin naman yatang kaugnayan
ni katiting sa nagdaang “2nd World War”
para itong dating nirenta lang ni Sam
ay kay Harold M. Clark ito pinangalan.
Ipagpalagay na nating si Harol Clark
ay may naging papel yan sa Pilipinas,
eh bakit ang noon ay Dewey Boulevard
ngayong pinalitan na ng Manuel Roxas?
At itong iba pang nakapangalan din
sa mga dayuhan napalitan na rin,
kaya sa puntong yan mas makabubuting
ang taguring Clark ay dapat nang tanggalin.
Diosdado Macapagal International
Airport na ang dapat nating itawag diyan,
na ilang taon na nating katawagan,
aywan lang kung bakit ya’y basta tinanggal?!
