ng mga ‘aspirants’ sa pagiging Bise
ay may kaakibat na pasimpleng siste
kundi man tuwirang grabeng pag-atake
Laban sa anak ni ‘Apo’ ng Ilocos,
sa di n’yan pagdalo’t makuhang masagot
ang mga pagpuna’t matinding batikos
Nang dahil sa hindi nga nito pagsipot.
At sa pakiwari marahil ng iba,
patikular na riyan ang ayaw sa kanya,
ang batang Marcos ay umiwas talaga
sa kung anong bagay kaya di pumunta?
Gaya halimbawa sa kung anong kaso,
na ibinibintang sa magulang nito,
Na hanggang ngayon ay di pa resolbado
at/o ‘still pending’ pa rin sa husgado.
Kaya hayan, imbes na kanyang masalag
ang mga batikos na mabigat-bigat,
laban sa yumaong ama ay maluwag
na naibato ng katunggaling apat.
At lahat ng bagay na makasisira
sa kandidatura niya ay malaya
nilang sa publiko ay inihayag nga
pagkat nang oras na iyon siya’y wala!
Na aywan lang natin kung ano talaga
ang tunay na rason kung bakit hindi siya
nakadalo sa paanyaya sa kanya
ng kung sinu-sinong nag-host ng programa.
Pero ano pa man yatang negatibo
at di magagandang bagay na ibato
kontra kay Bongbong ay lalong nagpabango
sa kanyang pangalan sa harap ng tao?
Ya’y base na rin sa ‘survey’ na malinaw
nating nakikita riyan sa araw-araw;
Kung saan ang nangu-nguna ay si Bongbong
sa katunggali n’yan – (kagaya ni Digong?)
At kahit anuman yatang kapintasan
ang puedeng ibato sa pagkatao n’yan,
Duterte at Bongbong pa rin yata ang siyang
ninanais maging Pangulo at Bise riyan?
Ng nakararami… kahit ano yata
ang sa kanila ay napapabalita
na di mainam o dapat ikatuwa
ng iba – dahil sa may kapintasan nga.
Partikular na si Duterte anila,
na kadalasan ay nagsasalita siya
ng mga bagay na (biro lang sa kanya),
pero di maganda sa tingin ng iba.
Kung saan posibleng sa tinagal-tagal
ng mga ganitong sa bibig nunukal,
Di malayong ikasira ng personal
niyang imahe ang salitang garapal.
Sa puntong ito si Alan Cayetano
marapat magsabi kay Digong siguro
ng: “Mayor, mali ang pagkasabi ninyo,
ganito dapat ang magandang estilo”.
Total siya mismo itong kay sir Alan
ang nagsabi na kung may mali siyang hakbang,
i-‘remind’ nga siya nitong ka-tandem n’yan
upang maitama sa dapat kalagyan.
Alalaon baga, sa puntong nasabi
tayo na marahil sa ating sarili
ang dapat humusga, (sa Mayo a nuebe)
kung talagang gusto natin si Duterte;
(at si Bongbong bilang Bise Presidente)
