Panahon na naman ngayon ng halalan
Kung kaya’t gaya ng mga nakaraang
Eleksyon ay pihong daragsa na naman
Itong manghihingi sa basbas ng bayan;
Na kaya lang tayo maisip dalawin
Ay kung panahon ng botohan sa atin
At kailangan nila ang tangkilik natin
Upang managumpay sa mga mithiin.
Ang pakamay-kamay at patapik-tapik
Sa ating balikat muling mananaig
At kung anu-anong ubod ng tatamis
Na pangako itong ating maririnig.
At sa araw-araw na ginawa ng Diyos
Ay piho rin namang diyan mag-iikot
Itong maiingay nilang mga “showboat”
Na naglipana sa iba’t-ibang pook.
At kaakibat n’yan, di lang daang libo
Itong ika nga ay susunuging piho
Ng nakararami nating pulitiko
Na naghahangad na maupo sa puesto.
Konsumo pa lang sa kanilang sasakyan
Ay di na kakaunting pera ang kailangan,
Kung kaya’t tiyakang umpisa pa lamang
Ng “campaign period” ay namuhuman na yan.
(Kaya di malayong kapag ya’y nanalo
Ay ano pa nga bang uunahing piho
Kundi paniningil habang nasa puesto
Kaysa gampanan ang katungkulan nito?)
Kaya’t piliin natin ng buong ingat
Kung sino at alin ang karapat-dapat;
At huag sa sinumang namudmod at sukat
Tayo pasisilaw at basta kakagat.
Pagkat imbes makabuti sa gobyerno
Ay baka lalo lang mababaon ito,
Kapag nagkamali tayo sa pagboto
Ng mga “corrupt” at walanghiyang tao.
Gugustuhin mo pa ba naman, kabayan
Na maging mitsa ng pangungurakot d’yan
Ang walang habas na gastos sa halalan
Ng nakararaming gustong manungkulan?
Marahil may iba pa namang solusyon,
Na kung papaanong sa pagkakabaon,
Ang Pilipinas ay muling makabangon
Sa kamay ng taong may mabuting layon.
At di tulad nitong ating pikit-matang
Inihahalal ang kung sino na lamang,
Na basta’t may kuartang ipinamimigay
Ay ibinoboto na ng karamihan.
Bakit di pumili ng mabuting tao
Na may kakayahan at angking talino,
At di sa magkano ang binigay nito
Kung kaya lang natin siya iboboto?
Sapagkat tayo rin naman kabalen ko
Ang sisingilin n’yan pagka-upo nito;
Na karaniwan na sa panahong ito,
Sa nakararaming mga pulitiko!
Na sa pinuhunan nilang daang libo
Ay di lang ibayo ang isingil piho
Kundi milyones na habang nasa puesto,
At nagpapasasa sa perang gobyerno!!!
Kung kaya’t gaya ng mga nakaraang
Eleksyon ay pihong daragsa na naman
Itong manghihingi sa basbas ng bayan;
Na kaya lang tayo maisip dalawin
Ay kung panahon ng botohan sa atin
At kailangan nila ang tangkilik natin
Upang managumpay sa mga mithiin.
Ang pakamay-kamay at patapik-tapik
Sa ating balikat muling mananaig
At kung anu-anong ubod ng tatamis
Na pangako itong ating maririnig.
At sa araw-araw na ginawa ng Diyos
Ay piho rin namang diyan mag-iikot
Itong maiingay nilang mga “showboat”
Na naglipana sa iba’t-ibang pook.
At kaakibat n’yan, di lang daang libo
Itong ika nga ay susunuging piho
Ng nakararami nating pulitiko
Na naghahangad na maupo sa puesto.
Konsumo pa lang sa kanilang sasakyan
Ay di na kakaunting pera ang kailangan,
Kung kaya’t tiyakang umpisa pa lamang
Ng “campaign period” ay namuhuman na yan.
(Kaya di malayong kapag ya’y nanalo
Ay ano pa nga bang uunahing piho
Kundi paniningil habang nasa puesto
Kaysa gampanan ang katungkulan nito?)
Kaya’t piliin natin ng buong ingat
Kung sino at alin ang karapat-dapat;
At huag sa sinumang namudmod at sukat
Tayo pasisilaw at basta kakagat.
Pagkat imbes makabuti sa gobyerno
Ay baka lalo lang mababaon ito,
Kapag nagkamali tayo sa pagboto
Ng mga “corrupt” at walanghiyang tao.
Gugustuhin mo pa ba naman, kabayan
Na maging mitsa ng pangungurakot d’yan
Ang walang habas na gastos sa halalan
Ng nakararaming gustong manungkulan?
Marahil may iba pa namang solusyon,
Na kung papaanong sa pagkakabaon,
Ang Pilipinas ay muling makabangon
Sa kamay ng taong may mabuting layon.
At di tulad nitong ating pikit-matang
Inihahalal ang kung sino na lamang,
Na basta’t may kuartang ipinamimigay
Ay ibinoboto na ng karamihan.
Bakit di pumili ng mabuting tao
Na may kakayahan at angking talino,
At di sa magkano ang binigay nito
Kung kaya lang natin siya iboboto?
Sapagkat tayo rin naman kabalen ko
Ang sisingilin n’yan pagka-upo nito;
Na karaniwan na sa panahong ito,
Sa nakararaming mga pulitiko!
Na sa pinuhunan nilang daang libo
Ay di lang ibayo ang isingil piho
Kundi milyones na habang nasa puesto,
At nagpapasasa sa perang gobyerno!!!
