Minsan may mga di dapat isisi
Sa isang indibidual pero nangyayari,
Dahil posibleng di batid ng marami
Ang sanhi ng bagay na isinisisi.
Tulad na lang ng ‘on going road construction’
Sa JASA diyan sa San Fernando ngayon,
Kung saan sa ating ‘world class city mayor,’
Oscar S. Rodriguez tila binubunton
Ang sisi ng ilang may mga ‘business
establishments along the said JASA stretch’,
Itong usad pagong o sabi’y (snail pace?)
Na konstruksyon d’yan ng DPWH
Nitong ‘flyover’ sa mismong kahabaan
Ng JASA at sa may parteng panulukan
Nitong Lazatin road, sa gawing kanluran
Ng lungsod malapit sa Central Terminal.
Na tunay naman ding malaking perwisyo
Sa mga may-ari ng Restaurant dito;
Car dealers at iba pang kauring puesto
Ang idinulot na kabagalan mismo
Nitong contractor ng proyektong naturan,
Na dapat ay noon pang nakaraang buwan
Nito natapos ang ‘flyover’ sa lugar
Kundi ang patrabaho ay inapura n’yan.
At di naging mitsa riyan ng pagsasara
Ng iba bago pa mag-Semana Santa,
Kung kaya marami itong nasayang na
Dapat kitain ng nag-‘shut down’ anila.
Ngkaganun man ay di dapat isisi
Kay Mayor ang pagka-balam na nasabi
Dahil ang DPWH nga kasi
Ang tuwirang may ‘power & authority’
Sa pagpapatakbo o pag-implementa
Ng mga marapat galawin sa tuwina,
Sapagkat ‘national government’ talaga
Itong responsable sa lahat-lahat na.
Pero tulad na rin ng inaasahan
Ng masa kay Oca sa kilusang-bayan,
Nitong Mierkoles lahat ng ‘concern’ ay kanyang
Inanyayahan sa isang kapulungan.
Kung saan kasama ang mga ‘contractor’
At iba’t-iba pang mga ‘interested people’
Sa mga dumalo sa nasabing pulong
Upang ipahayag ang tunay na rason
Kung bakit ito ay di matapos-tapos,
Gayong ito yata ay ‘four months’ na halos
Ng ‘under construction’, at ang naging sagot
Nitong ‘contractor’ ay sa ‘18th of August
Ang ‘target date’ nila para sa lubusang
Pagkayari nitong proyektong naturan;
Maisumite sa kinauukulang
Ahensya at/o aling mang tanggapan
Na dapat pumirma sa ‘completion of works’
At ibang kailangang marapat masunod;
(Aywan lang kung itong Alkalde ng Lungsod
Ang signatory at siyang mag-aaprub)
Kwenta isang buwan at kalahati pa
Ang ipaghihintay ng lahat-lahat na
Ng mga may puesto sa ‘stretch’ ng JASA,
Mula intersection – na halos wala pa
Yatang isa’t kalahating kilometro
Ang distansya mula ‘flyover’ mismo
Ng Dolores junction kaya’t pihong-piho,
Na matatapos sa buwan ng Agosto.
At nang matapos na pati paninisi
Sa kung sino at sa butihing Alkalde,
Na sa ganang pananaw kong pangsarili
Ay di marapat sisihin sa nangyari!
