Nang nakita ng ilang entertainment press si Deniece sa mini concert ni Atty. Ferdie Topacio sa Aruba, Metrowalk, Ortigas noong Monday night, nagpaunlak siya ng interview. Ayon sa kanya, may lalabas siyang bagong endorsements at may modeling stints na rin siyang natanguan.
Sa pag-aartista, bukas siya sa anumang project at tutulungan siya ng kanyang legal adviser na si Atty. Topacio. Okay din siya sa hosting jobs.
Unang nakita sa isang showbiz affair si Deniece sa 31st Star Awards for Movies nung March 8 sa The Theater ng Solaire Resorts and Casino. Mala-Cinderella gown ang suot niya nang gabing iyon.
Sa pagdalo sa mga showbiz affair, ipinakikita lang ni Deniece na wala na siyang dapat itago at ikahiya sa sarili. Gusto niyang maging normal ang kanyang buhay. Ayon sa kanya, malinis ang kanyang kunsyensya sa kung anuman ang nangyari sa kanya.
