LUNGSOD NG BATAAN — Iniulat ng provincial health office Martes ng gabi na walang bagong kaso ng coronavirus disease sa Bataan sa pangatlong araw na at sa halip ay may dalawa pang gumaling sa mapanganib na sakit.
Ang dalawang bagong naka-recover ay isang 27-anyos na babae mula sa Limay at isang 44-anyos na babae mula naman sa Lungsod ng Balanga.
Dahil sa pagka-recover ng dalawa, bumaba sa tatlo ang active Covid-19 cases mula sa lima Lunes ng gabi.
Sa kabuuan, nananatiling 151 ang bilang ng mga nagpositibo sa virus sa Bataan habang siyam ang pumanaw at 139 naman ang naka-recover na.
Nasa 162 ang naghihintay ng resulta ng test at 2,351 ang nag negatibo na, kabilang ang bagong 65. Mula noong ika-31 ng Enero hanggang sa kasalukuyan ay 2,664 na ang na–test sa Bataan, sabi sa ulat ng PHO.
