Itong pangako ni Allan Cayetano
Na ang pangunahing tututukan nito
Ay kabuhayan at dagdag na trabaho
Kapag siya’y muling nahalal umano
Nang sa gayon mahango sa kahirapan
Ang mga ‘unemployed’ sa kasalukuyan,
Yan ay malayo sa akmang kasagutan
Kung bakit marami ang hirap sa buhay
Kundi itong mayrun mang mga ‘vacant jobs’
Na mapapasukan itong naghahanap
Ay mahaba na ang abutin ng ‘six months’
Si Juan sa trabaho kahit na masipag
At kuwalipikado, liban sa maalam
Sa kung anong ‘nature of work’ nitong tangan,
Pagkat ng dahil sa ‘contractual basis’ lang
Na pamalakad ay ‘jobless’ na naman yan
Matapos ang takdang buwan na nasabi
Na kung saan lagi ng ‘probationary’
Sa trabaho itong kawawang ‘employee’
Kahit ilang beses nang nakapagsilbi
At makakita man uli ng trabaho
Ay ganyan din naman ang hantungang piho,
Kung kaya hanggang sa pagtanda ng husto
Ni Juan ay ‘contractual’ pa rin sa trabaho.
Kasi nang dahil nga sa klaseng batas
Na aywan kung sinong sa Congress nagtulak
Para ang ganito uring pamalakad
Ay siyang pinairal at naipatupad
Sa pagitan ng employer at employee
Ay tunay naman pong ating masasabi,
Na ang ‘author’ nito at ‘co-author’ pati
Ay baka ni hindi nag-isip mabuti
Bago isinulong ang ganitong batas,
Na masasabi po nating hindi patas
Ang kalakaran na binunga at sukat
Sa panig ng nakararaming mahirap.
Kaya panahon na upang ya’y baguhin
Ng kung sinong mga mambabatas natin
Na may malasakit, puso at damdamin
Para sa bagay namarapat unahin
Ng ating mahal at butihing Senador
Na si Allan Peter Cayetano ngayon,
Kung saan ang batas na balak isulong
Kapag pinaladay ‘industrialization’
At dagdag trabaho na mapapasukan
Ang nakararaming walang hanapbuhay;
Pero sana naman ang uring ‘contractual’
Na patrabaho ay kanya ring tutukan
At ipa-‘repeal’ o susugan ang batas
Na pumapatay sa panig ng mahirap
At kaawa-awang empleadong marapat
Mabigyan ng makataong pamalakad
At karapatan na sila ay mapirmi
Sa trabaho nila hangga’t maaari
Kung qualified din lang at malusog pati
Para magampanan ng husto ang ‘duty’.
Pagkat kung ganitong lagi’t-lagi na lang
Ang sistemang ninanais ipairal
Nitong mga tusong kapitalistang yan
Kailan mapipirmi sa trabaho si Juan?
Kaya marapat lang sa naturang punto
Na ang kalakarang ‘contractual’ na ito
Ay isa sa unang dapat makastigo
Ni Cayetano pagbalik sa Senado!
