Ketang Junyo 26, 2010, migpulung la ding Poeta laureado makapatungkul king pamamilimg miputungan Poeta Laureado para keng daratang a Aldo ning Amanung Sisuan. Mipagkasakit la king pamamili, uling isipan da king atin e mipasar karing kandidatu. King ulinaniti, ya ing pikayari da king putungan na la ngan ban keta ala nang sumukal a lub. Iting pikayari, pepayalan neng ulaga ning Ari na ning Parnaso uling e ya metuki ing prosesu a sanakan lang myamas-amas ding kandidatu ban mabalu nung ninu karela ding KARAPAT-DAPAT maging Poeta Laureado.
Ing Ari na ning Parnaso babye yang plasu anggang mapupus ya ing bulan ning Hulyu ban tukyan de ding Poeta Laureadu ing Kapasyagan 0001. Nung e re tukyan ing misulat karin, ing Ari Ning Parnaso, mapilitan yang madesisyun bate king keyalan rekomendasyun at dokumetasyun a dapat malambat nang miras king kayang gamat.
Ban mika ideya la ding malda a nung nanu ya kabaldugan ing miputungan laurel, oyni ing poesyang pemansaganan kung Conpirmasyon, a ing buri nang sabyan, ya ing pamananggap at pamipatutu king ing metung a awusan dang Poeta, Poeta ya ping tutu.
Ing pamamutung laurel…nung e ne man kaparehu
awig yang bagya keng kumpil ning daratang a Obispu;
ining sakramentung ini dalise ya at sagradu
yang patutung ing mekumpil ganap ne panga-Kristyanu;
makanyan ya ing kabas na ning mamutung nominadu
banal ya ampon dalise kalupa ning Sakramentu
inya itang mikoronan arapan ding maldang tawu
miganap ya pangawatas, Poeta yang Laureadu.
Pablasang sagradu ya pin ining kumpil king pisamban
inya e na basta-basta, kabud na mu kukumpilan,
bayu datang ing Obispu melisu nong kasulatan
patutung ing kandidatu tune ya pin bininyagan;
ing pamamutung laurel uling sagradu ya naman
dapat mu king masuri la ding patune kawatasan;
den ila ding magpatutung ing kandidatung putungan
bininyagan neng Poeta ning amanung kapampangan.
Subali karing papelis ding Tegawan patutwan da
king ing karelang pakumpil bininyagan yang talaga,
at ilang matibe saksi king ining ipakumpil da
maging tune neng sundalus ning nwan a Santa Iglesya;
ding Laureadong Tegawan titikdon dang alang duda
talagang Poeta ya pin ing paputung dang korona;
at maging tune neng kawal ning Parnaso ding Poeta
ban paglwalu neng matatag ing amanu tamung mana.
Makananu, nung sakali, kulang la ding dokumentu
e pa pala bininyagan pakumpil dang kandidatu?
Ing problemang anti kanyan e man miras king Obispu
ding mangasiwa ila nang sumabi at manareglu;
makanyan la ding susuri a bibilug king Kolehyu
ding e sukat miputungan itumbalag da no mismu;
pabustan do pang tungguen dang Poeta ding maldang tawu
bayu dala pakumprma king taguring laureadu.
Makananu, nung sakali, dening titikdo tegawan
ila na mu ding mangumpil kening e pa bininyagan?
Nung ninu man ing mekumpil ketang lele ning asikan
ing lagyu na e re abe ding mekumpil king pisamban,
kalupa ning e poetang kabud namu mitumpakan
koronang lakal king buntuk ketang pampang na ning dalan;
uling palsipikadu ya, inya e ne kilalanan
antimong tune Poeta ning Parnasong Kapampangan.
Inya naman king pisamban bayu datang ing Obispu
sadya ra no ding Tegawan kaylangan a dokumentu,
ding pakidwang ning pisamban nung misampa lang kumpletu
ining dela rang pakumpil, makumpil yang siguradu,
iti, makanyan mu naman, karing ngeni kandidatu
ban makumpirma lang tune Poeta na ning amanu,
nung tukyan deng masalese ing mipasyag a prosesu
malamang kesa king ali, makumpil lang laureadu.
Ing Ari na ning Parnaso babye yang plasu anggang mapupus ya ing bulan ning Hulyu ban tukyan de ding Poeta Laureadu ing Kapasyagan 0001. Nung e re tukyan ing misulat karin, ing Ari Ning Parnaso, mapilitan yang madesisyun bate king keyalan rekomendasyun at dokumetasyun a dapat malambat nang miras king kayang gamat.
Ban mika ideya la ding malda a nung nanu ya kabaldugan ing miputungan laurel, oyni ing poesyang pemansaganan kung Conpirmasyon, a ing buri nang sabyan, ya ing pamananggap at pamipatutu king ing metung a awusan dang Poeta, Poeta ya ping tutu.
Ing pamamutung laurel…nung e ne man kaparehu
awig yang bagya keng kumpil ning daratang a Obispu;
ining sakramentung ini dalise ya at sagradu
yang patutung ing mekumpil ganap ne panga-Kristyanu;
makanyan ya ing kabas na ning mamutung nominadu
banal ya ampon dalise kalupa ning Sakramentu
inya itang mikoronan arapan ding maldang tawu
miganap ya pangawatas, Poeta yang Laureadu.
Pablasang sagradu ya pin ining kumpil king pisamban
inya e na basta-basta, kabud na mu kukumpilan,
bayu datang ing Obispu melisu nong kasulatan
patutung ing kandidatu tune ya pin bininyagan;
ing pamamutung laurel uling sagradu ya naman
dapat mu king masuri la ding patune kawatasan;
den ila ding magpatutung ing kandidatung putungan
bininyagan neng Poeta ning amanung kapampangan.
Subali karing papelis ding Tegawan patutwan da
king ing karelang pakumpil bininyagan yang talaga,
at ilang matibe saksi king ining ipakumpil da
maging tune neng sundalus ning nwan a Santa Iglesya;
ding Laureadong Tegawan titikdon dang alang duda
talagang Poeta ya pin ing paputung dang korona;
at maging tune neng kawal ning Parnaso ding Poeta
ban paglwalu neng matatag ing amanu tamung mana.
Makananu, nung sakali, kulang la ding dokumentu
e pa pala bininyagan pakumpil dang kandidatu?
Ing problemang anti kanyan e man miras king Obispu
ding mangasiwa ila nang sumabi at manareglu;
makanyan la ding susuri a bibilug king Kolehyu
ding e sukat miputungan itumbalag da no mismu;
pabustan do pang tungguen dang Poeta ding maldang tawu
bayu dala pakumprma king taguring laureadu.
Makananu, nung sakali, dening titikdo tegawan
ila na mu ding mangumpil kening e pa bininyagan?
Nung ninu man ing mekumpil ketang lele ning asikan
ing lagyu na e re abe ding mekumpil king pisamban,
kalupa ning e poetang kabud namu mitumpakan
koronang lakal king buntuk ketang pampang na ning dalan;
uling palsipikadu ya, inya e ne kilalanan
antimong tune Poeta ning Parnasong Kapampangan.
Inya naman king pisamban bayu datang ing Obispu
sadya ra no ding Tegawan kaylangan a dokumentu,
ding pakidwang ning pisamban nung misampa lang kumpletu
ining dela rang pakumpil, makumpil yang siguradu,
iti, makanyan mu naman, karing ngeni kandidatu
ban makumpirma lang tune Poeta na ning amanu,
nung tukyan deng masalese ing mipasyag a prosesu
malamang kesa king ali, makumpil lang laureadu.
