Kung ang Comelec ay hindi usad pagong
Sa pagresolba ng anumang Petisyon,
Na inaabot ng halos tatlong taon
Bago lumabas ang pinal na desisyon
Ay di mangyayaring ang “election protests”
Na gaya ng kina Pineda at Obet,
At ni Mr. Dy ng Isabela province
O ng iba pa r’yan ay mag-“last two minutes;”
At halos patapos na rin ang termino,
Ng mga “protestee,” gaya ni Panlilio,
Padaca at Jonjon… na Comelec mismo,
Ang nagproklama ng kanilang panalo.
At pagkatapos ay uutusan nila
Ang tatlo upang diumano’y bumaba na
Sa dahilang hindi raw talagang sila
Ang mga tunay na panalo kumbaga?
Base sa resulta ng petisyon nina
Ex-Guv Benjamin Dy nitong Isabela,
Obet ng Bulakan… laban kay Mendoza
At Lilia, kontra kay Among sa Pampanga?
Kung saan panalo nga raw sa “recounting”
Itong sina Obet, Lilia at Benjamin;
At kung saan pinal na’t marapat tupdin
Ang utos na silang tatlo’y pababain;
Kaya naman itong Obet ng Bulakan
Ay atat na upang ang isa’y palitan?
Pero sa Pampanga, tila kampante lang
Ay di apurado ang panalo bilang.)
At tila wala ng balak pang sipain
Itong tinalo sa ginawang “recounting,”
(Pagkat si Among Ed ay bababa na rin
Sakali’t ito ay muli niyang talunin?)
Pero bakit nga ba lubhang tumatagal
Bago ang “Petition for Recount” po lamang
Ay maresolba ng komisyong naturan,
Kung ito ay ganap na tinututukan?
Gayon din ang kasong diskwalipikasyon,
Na dapat bago ang araw ng eleksyon
Ay maresolba na… upang sa ganoon,
Di na mapabilang sa puedeng humabol;
Pero nang dahil nga sa ya’y usad pagong
Aba’y matagal nang tapos ang eleksyon,
Ay di pa rin naresolba ng Komisyon
Ang simpleng kaso ng diskwalipikasyon;
Gaya sa Sasmuan, na kamakailan lang
Bumaba sa puesto ang may kasong ganyan;
Kung saan ang dapat manalo’y nawalan
Ng tsansang mag-Mayor sa puntong naturan;
Pagkat kung ito ay inaksyunan agad,
Malayong mangyaring ang umupo’t sukat
Ay itong di naman talagang “qualified,”
Kundi ang solong “candidate” na si Mozart!
At kung saan itong bale Bise lamang
Ang pinalad maging Alkalde ng bayan
Nang si Velasco ay bumaba na, bilang
Hindi lehitimong alkalde ng bayan.
Na sana nga po ay si Mozart Panlaqui
Ang panalo… kung ang Comelec ay hindi
Usad pagong sa pag-“resolve” nito lagi
Sa petisyong dapat ay minamadali.
Na simpleng kaso nga lang ay inaabot
Ng taon bago n’yan tuluyang ma-“resolved,”
Kaya di malayong totoo ang kutob
Ng iba na sila ay tutulog-tulog?
Sa pagresolba ng anumang Petisyon,
Na inaabot ng halos tatlong taon
Bago lumabas ang pinal na desisyon
Ay di mangyayaring ang “election protests”
Na gaya ng kina Pineda at Obet,
At ni Mr. Dy ng Isabela province
O ng iba pa r’yan ay mag-“last two minutes;”
At halos patapos na rin ang termino,
Ng mga “protestee,” gaya ni Panlilio,
Padaca at Jonjon… na Comelec mismo,
Ang nagproklama ng kanilang panalo.
At pagkatapos ay uutusan nila
Ang tatlo upang diumano’y bumaba na
Sa dahilang hindi raw talagang sila
Ang mga tunay na panalo kumbaga?
Base sa resulta ng petisyon nina
Ex-Guv Benjamin Dy nitong Isabela,
Obet ng Bulakan… laban kay Mendoza
At Lilia, kontra kay Among sa Pampanga?
Kung saan panalo nga raw sa “recounting”
Itong sina Obet, Lilia at Benjamin;
At kung saan pinal na’t marapat tupdin
Ang utos na silang tatlo’y pababain;
Kaya naman itong Obet ng Bulakan
Ay atat na upang ang isa’y palitan?
Pero sa Pampanga, tila kampante lang
Ay di apurado ang panalo bilang.)
At tila wala ng balak pang sipain
Itong tinalo sa ginawang “recounting,”
(Pagkat si Among Ed ay bababa na rin
Sakali’t ito ay muli niyang talunin?)
Pero bakit nga ba lubhang tumatagal
Bago ang “Petition for Recount” po lamang
Ay maresolba ng komisyong naturan,
Kung ito ay ganap na tinututukan?
Gayon din ang kasong diskwalipikasyon,
Na dapat bago ang araw ng eleksyon
Ay maresolba na… upang sa ganoon,
Di na mapabilang sa puedeng humabol;
Pero nang dahil nga sa ya’y usad pagong
Aba’y matagal nang tapos ang eleksyon,
Ay di pa rin naresolba ng Komisyon
Ang simpleng kaso ng diskwalipikasyon;
Gaya sa Sasmuan, na kamakailan lang
Bumaba sa puesto ang may kasong ganyan;
Kung saan ang dapat manalo’y nawalan
Ng tsansang mag-Mayor sa puntong naturan;
Pagkat kung ito ay inaksyunan agad,
Malayong mangyaring ang umupo’t sukat
Ay itong di naman talagang “qualified,”
Kundi ang solong “candidate” na si Mozart!
At kung saan itong bale Bise lamang
Ang pinalad maging Alkalde ng bayan
Nang si Velasco ay bumaba na, bilang
Hindi lehitimong alkalde ng bayan.
Na sana nga po ay si Mozart Panlaqui
Ang panalo… kung ang Comelec ay hindi
Usad pagong sa pag-“resolve” nito lagi
Sa petisyong dapat ay minamadali.
Na simpleng kaso nga lang ay inaabot
Ng taon bago n’yan tuluyang ma-“resolved,”
Kaya di malayong totoo ang kutob
Ng iba na sila ay tutulog-tulog?
