Kung totoong di lahat ng “ballot boxes”
Ay binuksan para sa “recounting process,”
Sa ganang amin ay mali ang Comelec,
At sila ang dapat sisihin sa “lapses”
Kung bakit posibleng lumamang at sukat
Si Aling Lilia sa “recount” na ginanap,
Pagkat ang boto ng taga Mabalacat
Ay di yata nila naisamang lahat?
Natural lamang na bababa ang bilang
Ng lamang ni Among sa puntong naturan,
Na kung saan talo ang kanyang kalaban
Ang di isinama sa mga nabilang.
Anong silbi nitong “recount” na ginawa
Ng Comelec kung di rin lang naman tama
Ang prosesong dapat sundin kaipala
Upang ang totoo’y malaman ng madla?
O baka naman may himala sa likod
Nitong sa akala nga natin ay “recount,”
Kung kaya ang “over” kay Pineda ni Gob
Ay lumipad at ang isa ang umungos?
Nakapagdududa nga kasi kung bakit,
Tama’t nagkaroon ng mga pagdinig
Na inabot ng dalawang taong mahigit,
Pero ang resulta’y may kaunti pang bahid
Ng alinlangan at may nababanaag
Na “cloud of doubts” pa rin sanhi ng di lahat
Ng balota (gaya ng sa Mabalacat)
Ay isinama sa mga binulatlat?
Suma total, walang saysay kung ganoon
Ang anumang “findings” ng ating Komisyon
Sa Halalan hinggil dito sa Petisyon
Ni Pineda laban sa “priest-turned-governor?”
Pagkat sabi’y wala silang tinutukan
Kundi ang muli nga lang nilang binilang
Ang mga balota, at di na binigyan
Ng pansin ang hinggil sa isyung dayaan
Ano’t ubod namang pagkahaba-haba
Ng resolusyon o desisyong ginawa,
Na umano ay di kukulangin yata
Sa “eleven thousand pages” ang natala?
Kung “recounting” lang ang “stenographic notes”
Na nilalaman ng isinaling report
Ng kung ilan masisipag na “Clerk of Court,”
Na nag-”computer” ng lumabas na utos.
Aba’y kahit alin pa mang tele-serye,
Ng “soap opera” o palabas sa sine,
Ang “script” n’yan – pati ang kay ninunong Noe
Sa “Ten Commandments” ay di kasing haba, eh!
Na sinulat nga ng mga magagaling
Na Komisyoners ng halalan po natin;
Itong pang-”Believe it or Not” na marahil
Ang naturang bagay kung bibigyang pansin!
O baka pati na bayang sinilangan
Ni Among Ed, at kung sino ang magulang
At mga kapatid ay isinama riyan,
Kung kaya ito ay humaba ng ganyan?
Kasi, anhin man nga po nating isipin
Ay talaga namang mahirap arukin,
Kung anu-ano ang nagawang sulatin
Ng mga yan hinggil sa ginawang “hearing”
Na inabot nga ng halos tatlong taon
Bago naresolba ang simpleng petisyon;
Kung saan, oo nga’t mayrun nang desisyon
Pero may ulap pa manding nakalambong?
Ay binuksan para sa “recounting process,”
Sa ganang amin ay mali ang Comelec,
At sila ang dapat sisihin sa “lapses”
Kung bakit posibleng lumamang at sukat
Si Aling Lilia sa “recount” na ginanap,
Pagkat ang boto ng taga Mabalacat
Ay di yata nila naisamang lahat?
Natural lamang na bababa ang bilang
Ng lamang ni Among sa puntong naturan,
Na kung saan talo ang kanyang kalaban
Ang di isinama sa mga nabilang.
Anong silbi nitong “recount” na ginawa
Ng Comelec kung di rin lang naman tama
Ang prosesong dapat sundin kaipala
Upang ang totoo’y malaman ng madla?
O baka naman may himala sa likod
Nitong sa akala nga natin ay “recount,”
Kung kaya ang “over” kay Pineda ni Gob
Ay lumipad at ang isa ang umungos?
Nakapagdududa nga kasi kung bakit,
Tama’t nagkaroon ng mga pagdinig
Na inabot ng dalawang taong mahigit,
Pero ang resulta’y may kaunti pang bahid
Ng alinlangan at may nababanaag
Na “cloud of doubts” pa rin sanhi ng di lahat
Ng balota (gaya ng sa Mabalacat)
Ay isinama sa mga binulatlat?
Suma total, walang saysay kung ganoon
Ang anumang “findings” ng ating Komisyon
Sa Halalan hinggil dito sa Petisyon
Ni Pineda laban sa “priest-turned-governor?”
Pagkat sabi’y wala silang tinutukan
Kundi ang muli nga lang nilang binilang
Ang mga balota, at di na binigyan
Ng pansin ang hinggil sa isyung dayaan
Ano’t ubod namang pagkahaba-haba
Ng resolusyon o desisyong ginawa,
Na umano ay di kukulangin yata
Sa “eleven thousand pages” ang natala?
Kung “recounting” lang ang “stenographic notes”
Na nilalaman ng isinaling report
Ng kung ilan masisipag na “Clerk of Court,”
Na nag-”computer” ng lumabas na utos.
Aba’y kahit alin pa mang tele-serye,
Ng “soap opera” o palabas sa sine,
Ang “script” n’yan – pati ang kay ninunong Noe
Sa “Ten Commandments” ay di kasing haba, eh!
Na sinulat nga ng mga magagaling
Na Komisyoners ng halalan po natin;
Itong pang-”Believe it or Not” na marahil
Ang naturang bagay kung bibigyang pansin!
O baka pati na bayang sinilangan
Ni Among Ed, at kung sino ang magulang
At mga kapatid ay isinama riyan,
Kung kaya ito ay humaba ng ganyan?
Kasi, anhin man nga po nating isipin
Ay talaga namang mahirap arukin,
Kung anu-ano ang nagawang sulatin
Ng mga yan hinggil sa ginawang “hearing”
Na inabot nga ng halos tatlong taon
Bago naresolba ang simpleng petisyon;
Kung saan, oo nga’t mayrun nang desisyon
Pero may ulap pa manding nakalambong?
