“Before I even accepted the role,” pahayag ni Coleen sa presscon ng movie, “sinabi ko na. Hindi sa paalam, pero sinabi ko, like “I’m gonna be doing this” and everything. And he’s been very understanding.”
Kilala sa pagiging seloso at possessive si Billy pero pagtatanggol ni Coleen, “oo, pero ’yung pacute na seloso lang. Hindi ’yung nakakatakot.”
Big movie launch ni Coleen ang Ex With Benefits kaya first time rin niya na gumawa ng daring scenes. May ginawa siyang indie film last year, ang #Y (Hashtag Y) at medyo daring din siya rito pero verbal lang daw at hindi katulad nitong pisikal talaga.
Ayon kay Coleen, wala naman daw masyadong preparasyon siyang ginawa sa mga love scene nila ni Derek. What they did ay pinag-usapan lang daw nila ito bago gawin.
“We talked about it so much na kailangan one take talaga, kailangan todo bigay talaga para hindi na kami aabot sa take 2, and true enough, hindi kami umabot sa take 2 sa mga scene na ’yun and I guess, the key is to prepare less but to discuss about it more,” sabi ni Coleen.
Manonood ba si Billy sa premiere night?
“Pinipilit ko siya na huwag muna manood. Pero siya ’yung pumipilit din na gusto niya talagang manood. Kaya I’m gonna have somebody sit beside him and close his eyes pag kailangan na,” natatawa pang sabi ni Coleen.
Showing na sa Sept. 2 ang Ex With Benefits at kasama rin dito sina Meg Imperial, Rayver Cruz, Tirso Cruz III, Carmi Martin, Kitkat, Juan Rodrigo, Nina Ricci Alagao, Jobelle Salvador and Megge Cobarrubias.
