ITINANGGI ni Jake Cuenca ang tsikang nagkaroon ng misunderstanding sina Cherie Gil at Coco Martin sa Ikaw Lamang kaya tsinugi na ang karakter ng actress.
Ayon kay Jake, ngayon lang niya narinig ang tsikang ito at hindi ito totoo. “Wala, wala kaming… actually, ang magic ng Ikaw Lamang, lahat kami, magkatugma. Lahat kami,nasa parehong bangka, kumbaga. So, parang nagkakaisa ang lahat ng ideas namin.
“Never kaming nagkaroon ng problema within the cast. Siyempre, minsan, mayroon kaming mga kaunting debate, pero sa ikagaganda ng show ‘yun. “Kaya nakikita n’yong iba ‘yung Ikaw Lamang, kasi ipinaglalaban namin ang mga character namin,” pahayag ni Jake.
Patuloy pa ng aktor, “In fact, last night, we had a farewell dinner for Miss Cherie Gil. Kasi, ‘yun na nga, namatay siya sa show. Wala kaming problema. Actually, more than anything, emotional kaming lahat na aalis na si Miss Cherie Gil sa soap,” he said.
Bakit pinatay ang karakter ni Cherie? “Graduation ng anak niya sa States,” paliwanag ng aktor. “Matagal nang usapan
na hanggang doon lang talaga ang pwede niyang i-taping. Eh, hindi namin na-foresee na mai-extend ang show ng ganito, na hahaba ng ganito.
“Siyempre, priority ni Miss Cherie ang mga anak niya, which is very admirable. Kung ako man ang may anak, tingin ko, uunahin ko naman ‘yun more than work.” Bukod sa career, happy din si Jake sa kanyang lovelife sa bagong girlfriend na si Chanel.
Aniya, nagpapasalamat siya sa pagdating nito sa kanyang buhay and he’s praying na for keeps na ang kanilang relasyon.
