IBANG LEVEL na talaga si Coco Martin. Hindi lang sa pagiging aktor humahakot ng award ang tinaguriang Drama King, pati sa pagiging endorser, kinilala na rin.
Noong Sabado, September 7, binigyang parangal si Coco bilang isa sa most infl uential celebrity endorsers of the year ng 3rd EdukCircle Awards.
Personal na um-attend si Coco para tanggapin ang recognition sa awarding ceremonies na ginanap sa UP Film Institute.
Ito ay bago siya um-attend ng 7th Star Magic Ball sa Fairmont Hotel sa Makati.
Kasama ni Coco sa nasabing award sina Kris Aquino, Boy Abunda, Vic Sotto at Carmina Villarroel and family.
Hindi na talaga maawat ang tagumpay ni Juan dela Cruz. ’Di na mabilang ang kanyang acting awards, ngayon naman ay bilang celebrity endorser.
Patunay ito na isa na talagang “premium brand” si Coco. ’Di na din mabilang ang mga produktong iniendorso niya at siyempre, hindi matatawaran ang pagiging consistent ng teleserye niya sa primetime, ang Juan dela Cruz.
Totoo nga ang kasabihang when it rains, it really pours kay Coco.
