DATI pa lang nagtrabaho bilang waiter sa Max’s Restaurant sa Fairview si Coco Martin noong last quarter ng 1999.
Pero hindi rin siya nagtagal doon dahil na-AWOL siya nang maging busy sa workshop ng Star Magic.
Pero sadly, hindi rin nai-launch bilang Star Circle member si Coco na ka-batch dapat noon ni Heart Evangelista dahil bumalik siya sa pag-aaral para tapusin ito.
“Tinanong kasi ako ng lola ko kung ano ba talaga ang gusto ko sa buhay. Ang sabi niya, bago ko gawin ang ibang bagay, mas okey kung may natapos ako kahit papaano, kaya bumalik ako sa pag-aaral,” kuwento pa niya.
Matagal nang gusto ni Coco na magkaroon ng food endorsement at kahit ang manager niyang si Biboy Arboleda ay kinukulit niya tungkol dito. Nang magpahayag ng interes ang Max’s na kunin siya, sobra raw siyang natuwa.
“Sobrang blessed talaga ako. Akala ko talaga walang chance na maging endorser ako ng resto or food.
Iniisip ko kasi na baka jologs ’yung tingin nila sa akin kaya walang kumukuha. Pero nu’ng dumating ’yung Max’s, hindi talaga ako makapaniwala. Parang dream come true ’yung nangyari,” excited niyang kuwento.
Now that Coco is endorsing a restaurant, gusto na rin ba niyang magtayo ng food business?
“Naku, ayoko ng malaking business. Takot akong malugi at masayang ’yung mga pinagpaguran ko.
Gusto ko ’yung simple lang na maraming kumakain. Okey na sa akin ’yung meron akong lugawan at paresan.
Ha-ha-ha!” ang napaka-humble niyang pahayag.
Well, excited na kaming matikman ang lugaw at pares ni Coco pag nagkataon, huh!
Anyway, bukod sa pagiging Max’s ambassador niya, bida rin si Coco sa bagong TV series ng ABS-CBN na Juan dela Cruz na magsisimula sa February 4. May pelikula rin siyang ipalalabas sa February kasama si Julia Montes, ang A Moment In Time under Star Cinema.
