KUNG SA kabila r’yan ng kinakaharap
na kaso ni CJ Sereno, ang tigas
pa rin ng moral niya at ganting pahayag
laban sa lahat ng mga nagtutulak
na mapatalsik siya ‘as executive judge’
sa ‘highest tribunal’ ay medyo mabigat.
At ang resbak niyang kumbaga’y may himig
patutsada sa ‘house committee on justice,’
na kakikitaan ng mga parunggit,
kundi man marahil ng paghihimagsik
dala na rin ng akalang panggigipit
ng Malakanyang ay marapat ituwid.
Dahilan na rin sa ang Administrayon
o ang ating mahal na Pangulong Digong
ay di nga siya ang kumbaga ay ‘author’
ng kasong ‘impeachment’ na isinusulong
laban kay Sereno, kundi itong ngayon
ay ‘lawmakers’ nating sa kanya’y di pabor
Na manatili siya sa kasalukuyang
hawak na posisyon, sa kabila riyan
ng di pagsunod sa kalakarang legal;
gaya nitong hindi pagsumite nga n’yan
ng SALN at iba pang pangangailangan
bago makaupo, sa puestong naturan.
Partikular na nga ang nakatataas
na mga opisyal, ‘judicial’ at lahat
na ng ‘chief of offi ce’ para maging ligtas
ang anumang ‘assets’ at salaping hawak,
sa ‘inquiry’ at/o posibleng pag-ungkat
nitong kahit sino pa mang otoridad;
Sanhi na rin nitong mas nakararami
itong opisyal na ‘within 1 year to 3’
nagiging ‘millionaire’ sa madaling sabi;
kung kaya nga’t para di lalong dumami
ang ‘corrupt’ at mga magnanakaw pati,
isinabatas ang bagay na nasabi.
Upang kahit sino pa manding opisyal,
(ke’ mga ‘appointees’ at/o kaya halal)
puedeng makastigo sa paraang legal,
kasama pati na ang nasa ‘judicial
at alin mang sangay na pamahalaan.
At obligado r’yan ang lahat-lahat na
pati ang Pangulo sa nararapat na
magsumite nitong mga SALN nila,
(sa COA?) O alin pa mang opisina
ng ating gobyerno kailangang pumunta
para maging ligtas sila sa aberya.
At maiwasan ang sila ay makwestyon
ng ating BIR kapag nagkataon
na di nagsumite ang kahit na sinong
naitalaga sa anumang posisyon,
ng kanilang ‘assets,( earnings, receivables’
at ‘payables’ yata) sa tamang panahon.
Kung saan kaya nga’t ang ating ‘chief justice’
sa puntong naturan ay nagpupumilit
makawala para hindi siya ma-impeach
o masipa ng ‘House of Representatives’.
Aywan kung kaya pa niyang masagip
ang sarili para di siya mapatalsik.
At dahil lalabas siyang kahiya-hiya
‘in public’ sakali’t matalo, di kaya
mas makabubuting ang dapat magawa
para sa sarili gawin niya nang kusa?;
Isa, sa dapat patunayan sa madla,
malinis siya’t walang dapat ikahiya!
