Ang naarestong drug suspect na si Tisado habang nasa kustodiya ng Malolos police.
LUNGSOD NG MALOLOS — Nasamsam ng mgaotoridad ang P1.8–milyon halaga ng hinihinalang shabu sa ikinasang buy-bust operation.
Arestado ang drug suspect na si Joerly Tisado alyas Boy Driver, 33, isang security guard, at residente ng Barangay Tiaong, Guiguinto.
Ayon kay Capt. Jerico Redon, chief intelligence officer ng Malolos police station, nabalitaan nila na nagbabagsak ang suspek ng droga sa Malolos at bayan ng Guiguinto kaya’t ikinasa ang operasyon laban dito.
Kumagat sa transaksyon ang suspect at agad na dinakip ng pulisya kung saan nasamsam mula dito ang 300 gramo ng hinihilang shabu na may estimated street value na P1.8 million.
Itinatanggi naman ni Tisado na sa kaniya galing ang naturang droga at wala siyang alam sa ganitong transaksyon.
Ang drug suspect ay nakaditene sa Malolos police custodial facility at mahaharap sa kasong paglabag sa Comprehensive Dangerous Drugs Act of 2002.
