CASTILLEJOS, Zambales – Bumagsak sa kamay ng mga tauhan ng Zambales Criminal Investigation and Detection Team (ZCIDT) ang isang lalaki sa isinagawang entrapment operation matapos umano nitong ibugaw ang dalawang kababaihan sa bayang ito.
Kinilala ni ZCIDT provincial officer, Chief Inspector Virgilio Rubio ang suspek na si Rowell Mayo, 25, residente ng Purok 5-B, Barangay San Pablo, Castillejos.
Ang suspek ay huli sa aktong ibinubugaw ang dalawang kababaihan sa CIS agent sa halagang P4,000 kapalit ng panandaliang kaligayahan.
Ang suspek ay nasa custody ng ZCIDT at ipinagharap na sa kasong paglabag sa RA 9208 o human trafficking.
