ITONG pagkabalam ng ‘on going project’
ng contractor nitong DPWH
para sa city government ng Angeles,
ya’y sakit ng ulo ngayon ni Mayor Ed
Dala na rin nitong ya’y inaasahang
matatapos bago ang usapang ‘deadline;’
pero hayan, ang rutang Pandan – Magalang
isa sa kalsadang nakabimbin pa riyan
Kung may sakop man yan na sementado na
ay ang gawing kanan lamang n’yan papunta
ng bayang Magalang, na halos wala pa
yatang isang kilometro ang distansya.
At itong iba pang mga kabilang din
sa ‘city on going project road widening,’
Yan ay malamang na di kayang tapusin
ng contractor nito kung di apurahin
At dagdagan pati oras ng trabaho
ng lahat na upang maihabol ito
sa ‘deadline,’ kung saan, bago mag-Enero
ay tapos dapat ang lahat ng proyekto.
At kung saan dapat din namang makialam
ang DPWH sa pagkabalam,
Sapagkat sila ang bale kumuha niyan,
at hindi mismo si Mayor Ed Pamintuan.
At ang tanging magagawa lang marahil
ay mapanagot sa pagiging inutil
sa pag-ako n’yan ng maselang tungkulin
Na di pala nito makayang tuparin.
Kung saan posibleng sampahan ni Mayor
ng ‘breach of contract’ ang palpak na Contractor,
kapag di natapos sa takdang panahon
ang proyektong tinanguan sa city hall
At bilang parusa sa contractor na yan
ay makabubuting siya’y tuluyang i-‘ban’
ni Mayor sa pagkuha ng anumang
kontrata sa lungsod nang di pamarisan.
Malaking perwisyo di lamang sa lungsod
ng Angeles itong pagkabalam lubos
nitong halos lahat na r’yan ng ‘public works,’
kundi pati na rin sa ‘business sectors’
Na apektado ng mga pangyayari,
partikular na sa butihing Alkalde;
Pagkat itong iba ay isinisisi
sa city hall mismo ang ‘inconvenience’ pati
Dulot nitong ‘heavy traffic’ kadalasan
sa mga ‘thoroughfare’ nitong kalunsuran,
pagkat itong iba ay di nila alam
kung ano ang tunay na kadahilanan.
Kaya nga’t sa puntong ito ay pinulong
ng kagalang-galang at butihing Mayor
ng siyudad ang usad pagong na ‘contractor’
upang ang problema’y mabigyang solusyon
At sila’y binigyan ng palugit para
ituloy n’yan itong mga nakatengga
nilang ‘road widening’ na nasimulan na,
gaya r’yan ng Pandan-Magalang ang ruta
At itong iba pang kailangang tapusin
bago itong ‘APEC Summit’ na gagawin
sa Angeles nitong Enerong darating
ay sumapit para ikapuri natin
Ang kaayusan at ganda ng paligid
sa mata ng madlang dadalo sa ‘Summit,’
bunga ng sipag at ganap malasakit
ng city mayor na tapat at malinis!
