Naimbitihan kami sa presscon ng Cinemalaya entry na Ang Nawawala nina Dawn Zulueta, Felix at Dominic Rocco.
Sa individual interview kay Dawn, natanong ang aktres kung bawal ba siyang makipag-kissing scene dahil napakarami ang nag-aabang ng kissing scene nila ni Richard Gomez sa Walang Hanggan.
“Well, sa akin, bawal pa rin, eh,” natatawa niyang sabi. “I explained this already before, kasi nga, ang feeling ko lang ngayon, gusto ko lang i-ano si Anton (Lagdameo, her husband) from having to feel na it’s bad enough to think na everyone is clamoring to have two exes together, parang nakakahiya naman sa husband ko, ewan ko lang.
“And of course, when it comes to my children, bata pa sila masyado to watch something like that on screen. Hindi ko pa masyadong ma-explain sa kanila kasi nga bata pa sila,”
Klinaro niyang hindi siya pinagbabawalan ng asawa niya to do kissing scenes at siya na ang nagkusa dahil nahihiya nga raw siya sa mister niya.
Anyway, ang Ang Nawawala ay official entry sa New Breed Full-length Feature category ng 2012 Cinemalaya Film Festival.
Bukod, kina Felix at Dominic, kasama rin ni Dawn dito sina Annicka Dolonius, Alchris Galura, Mercedes Cabral, Kelvin Yu, Jenny Jamora, Marc Abaya at Sabrina Man mula sa direksyon ni Marie Jamora.
Mapapanood ang Ang Nawawala mula Hulyo 21 hanggang 29 sa CCP, Greenbelt, at Trinoma.
