OLONGAPO CITY – Binawian ng buhay sa ospital ang isang bata habang binibigyan ng lunas makaraan itong mabundol ng pampasaherong jeepney sa Barangay Sta. Rita sa lungsod na ito.
Kinilala ng pulisya ang biktimang si Raver John Manlili, 3, residente ng Sta. Rita Road, Olongapo City.
Sa imbestigasyon ng traffic police, naglalakad ang biktima sa gilid ng kalsada nang ma-sideswiped ito ng jeep na may plakang AVH-817, body no. J11-030 na minamaneho ng suspek na si Yacel Ferreria, 23, residente ng No. 129 Mangga St., Barangay New Cabalan, Olongapo City.
Ang bitkima ay kaagad na isinugod sa James Gordon Memorial Hospital bunga ng mga tinamong sugat sa ibat-ibang bahagi ng katawan, subalit makaraan ang ilang oras na gamutan ay binawian ito ng buhay.
Ang suspek ay nahaharap sa kasong reckless imprudence resulting to homicide.
