LUNGSOD NG MALOLOS, Bulacan— Patay ang chairman ng Barangay Babatnin sa Malolos, Bulacan matapos pagbabarilin sa tulay sa Barangay Bagna.
Patay ang biktima na si Carlito Borlongan Sr , 68 anyos na nasa ikalawang termino bilang kapitan ng barangay.
Ayon sa ulat ng Malolos PNP, bumibili ng gasolina ang biktima sa puno ng tulay ng biglang lapitan ng dalawang salarin at barilin sa ulo.
Matapos ang pamamaril ay kinuha ng mga salarin ang clutch bag ni Borlongan na naglalaman ng hindi pa natukoy na halaga ng pera at saka tumakas lulan ng kulay puting motorsiklo.
Patuloy ang pagtugis ng kapulisan sa mga tumakas na mga salarin.
