BALIWAG, Bulacan —Nagpositibo sa sakit na Covid-19 si Mayor Ferdie Estrella.
Ito ay unang inihayag ni Estrella sa kanyang Facebook page ngayong hapon na nagpositibo siya sa naturang sakit batay sa resulta ng pagsusuring inilabas ng Research Institute for Tropical Medicine.
Kinumpirma din ni Estrella sa Punto! ang kanyang kalalagayan.
Nitong nakaraang linggo daw ay nakaranas siya ng panghihina ng katawan at sipon kayat agad siyang kumonsulta sa doktor at lumabas nga sa pagsusuri na positibo siya sa corona virus.
Sa ngayon ay kasalukuyan daw siyang nagpapagaling sa isang pagamutan.
Hindi pa malinaw sa ngayon kung saan posibleng nakuha ng alkalde ang sakit na Covid-19.
Ayon sa kanya, maayos naman daw ang kanyang kalagayan at umaasang sa mga susunod na araw ay makakalabas na rin ng pagamutan.
Sa kabila ng pagkakasakit ay patuloy daw siya na nakamonitor sa mga kaganapan sa bayan ng Baliwag at naglabas na rin ng Executive Order para sa Task Force Covid–19. Nanawagan din si Estrella sa kanyang mga kababayan na manatili sa loob ng mga tahanan para maakaiwas sa sakit.
|
|
