King Baryu kung beitan mika-pamagbayu
mesanting, pati na, bakud KAMPUSANTU,
at mika-koryenti king pun anggang sepu,
mepatag lang dalan—at mika-aspaltu;
at kanyan no lunto ding peka-simbulu
ning panyulung king bie…, dening BALE BATU.
Ing lalto, balamu nung batu ka bale
mika-tetagan na kabilian mu king bie,
at nung ing bale mu kwayan ya pa lande
maguing simbul ne mo ning bie mung mabule;
inya karing taung bisang makipante
itang bale batu maruruk deng pake.
Makanian ing sangkan ‘nya ing mal kung ibpa
bale yapin batu ing kayang pigampa;
at king baneng kamtan maruruk nang paksa
itang kaparangan ginabak neng kusa,
at king sipagan na gagawan neng adua
itang KATAWAN NANG KING KETWAN MIMINA..!
Mayap a balita…!Tinud ya ing atbu
at tinud ing pale kemada rang saku,
tinud ing kamuting lulual bultu-bultu
masanting panaman lalakad a presyu;
ikit keng mesaya lupa Y tatang ku
apagawa na ne ing bale nang batu.
Oita pin, dinatang la ding mangontrata
pimostra-mostra ra nung nanung gawan da;
angatan de kanu ing bale ming tabla
saka re bakuran batu ing lalam na;
ing lunto, ing bale, magdobli-pisu ya,
masanting ya kanu potang mayari ya.
Mebisa ya’y tatang king obra at bayad
at ding kagamitan seli na nong agad,
mapilan lang aldo ding meko miglakad
ing bale nang Tatang siniro ne tingkad;
mengari yang Rosa a mibubukadkad
ing panaguimpan nang mamuk nang matupad.
Lalam da ding byabas mamagluklukan ya
inya ding lalabas magpusung la kaya;
ngara mong sasabi: “Metaba ya bulsa
metaba ya atyan, METABA YA LUPA;
ining tatang naman sane ne canita
timan-timan ya mu king kapusungan da.
Kayari ning bale, utus ning ugali
pemisik neng danum ning dinalo Pari,
mika pamagsaya, kaibat ning pangadi;
king tula nang Tatang alang akawangki;
keyalimbawa na yang metung a ari
a mika-palasyo, a bayu pang yari.
At misan a bengi, bala’ku mo sana
pagpusungan naku ketang sinabi na,
aduan na kanakung nung kanung MATE ya
ing sala king babo yang pagburulan na;
bilang peka galal ning panabilin na
ing birtud na ning bie kaku ne pamana.
At nganang tinuglung:” Anak, tandanan mu
ing misaplala ka king bie mu king yatu,
at king kapilan man e ka makalulu
tuparan m’ya sana ing panabilin cu;,
at ing kekang bale kaba na ning bie mu
bale yang mitumpak babo na ning batu.”
E pala magpusung. King misan a abak
king pangalukluk na kabud nya mibagsak;
karin king Hospital ding doctor a tanak
e ra na abayu kalma nang mitatak,
mepupus ing bie na king tauli nang patak
ning lua nang parikil king irug nang anak.
At tiparan ke pin ing penabilin na
ing sala king babo yang piburulan na,
kabang maglame kung tanud ning bangke na
balamu ikit ke ing kayang kaladua,
ngana wari kaku: “Anak ko, minuan ka,
salpantaya ka king amanu ku keka.”
Sinalpantaya ku. Menaglus king ubud
ning kanakung pusu ing banal nang lugud;
sinalpantaya kung landas yang makatud
TUNTUNAN NANG BINIE ….eya tete matbud;
KASALPANTAYANAN yan at ya na kabud
ing minie upaya king pamanang birtud.
Iniang mibili ne ing mal a ibpa ku
king pagsantungan nang tuknangan a bayu;
anggang tauling saglit siping na ati ku
cayabe dacu ding manyarang Canteru;
e cu apigilan…. tinulu ing lua ku…
inyang misara ne…ing BALE nang BATU….
mesanting, pati na, bakud KAMPUSANTU,
at mika-koryenti king pun anggang sepu,
mepatag lang dalan—at mika-aspaltu;
at kanyan no lunto ding peka-simbulu
ning panyulung king bie…, dening BALE BATU.
Ing lalto, balamu nung batu ka bale
mika-tetagan na kabilian mu king bie,
at nung ing bale mu kwayan ya pa lande
maguing simbul ne mo ning bie mung mabule;
inya karing taung bisang makipante
itang bale batu maruruk deng pake.
Makanian ing sangkan ‘nya ing mal kung ibpa
bale yapin batu ing kayang pigampa;
at king baneng kamtan maruruk nang paksa
itang kaparangan ginabak neng kusa,
at king sipagan na gagawan neng adua
itang KATAWAN NANG KING KETWAN MIMINA..!
Mayap a balita…!Tinud ya ing atbu
at tinud ing pale kemada rang saku,
tinud ing kamuting lulual bultu-bultu
masanting panaman lalakad a presyu;
ikit keng mesaya lupa Y tatang ku
apagawa na ne ing bale nang batu.
Oita pin, dinatang la ding mangontrata
pimostra-mostra ra nung nanung gawan da;
angatan de kanu ing bale ming tabla
saka re bakuran batu ing lalam na;
ing lunto, ing bale, magdobli-pisu ya,
masanting ya kanu potang mayari ya.
Mebisa ya’y tatang king obra at bayad
at ding kagamitan seli na nong agad,
mapilan lang aldo ding meko miglakad
ing bale nang Tatang siniro ne tingkad;
mengari yang Rosa a mibubukadkad
ing panaguimpan nang mamuk nang matupad.
Lalam da ding byabas mamagluklukan ya
inya ding lalabas magpusung la kaya;
ngara mong sasabi: “Metaba ya bulsa
metaba ya atyan, METABA YA LUPA;
ining tatang naman sane ne canita
timan-timan ya mu king kapusungan da.
Kayari ning bale, utus ning ugali
pemisik neng danum ning dinalo Pari,
mika pamagsaya, kaibat ning pangadi;
king tula nang Tatang alang akawangki;
keyalimbawa na yang metung a ari
a mika-palasyo, a bayu pang yari.
At misan a bengi, bala’ku mo sana
pagpusungan naku ketang sinabi na,
aduan na kanakung nung kanung MATE ya
ing sala king babo yang pagburulan na;
bilang peka galal ning panabilin na
ing birtud na ning bie kaku ne pamana.
At nganang tinuglung:” Anak, tandanan mu
ing misaplala ka king bie mu king yatu,
at king kapilan man e ka makalulu
tuparan m’ya sana ing panabilin cu;,
at ing kekang bale kaba na ning bie mu
bale yang mitumpak babo na ning batu.”
E pala magpusung. King misan a abak
king pangalukluk na kabud nya mibagsak;
karin king Hospital ding doctor a tanak
e ra na abayu kalma nang mitatak,
mepupus ing bie na king tauli nang patak
ning lua nang parikil king irug nang anak.
At tiparan ke pin ing penabilin na
ing sala king babo yang piburulan na,
kabang maglame kung tanud ning bangke na
balamu ikit ke ing kayang kaladua,
ngana wari kaku: “Anak ko, minuan ka,
salpantaya ka king amanu ku keka.”
Sinalpantaya ku. Menaglus king ubud
ning kanakung pusu ing banal nang lugud;
sinalpantaya kung landas yang makatud
TUNTUNAN NANG BINIE ….eya tete matbud;
KASALPANTAYANAN yan at ya na kabud
ing minie upaya king pamanang birtud.
Iniang mibili ne ing mal a ibpa ku
king pagsantungan nang tuknangan a bayu;
anggang tauling saglit siping na ati ku
cayabe dacu ding manyarang Canteru;
e cu apigilan…. tinulu ing lua ku…
inyang misara ne…ing BALE nang BATU….
