TREE PALANTING. Bilang bahagi ng Geening Program ng pamahalaan nanguna sa pagtatanim ng “Bakawan” sa ilog ng Barangay Uacon, Candelaria, Zambales si Ninia Ladao ng PNP Ladies Club, may bahay ni PRO3 Director, Chief Supt. Edgardo Ladao.
Kasama din ang PNP Ladies Club mula sa Tarlac, Nueva Ecija, Pampanga, Bulacan, Olongapo City at Zambales.
Kuha ni Johnny R. Reblando
CANDELARIA, Zambales – Humigit kumulang sa 700 Bakawan ang itinanin dito sa tabing ilog ng Barangay Uacon sa nasabing bayan bilang suporta ng pulisya dito sa “Greening Program ng pamahalaan.
Ang “tree planting activity” ay may temang “Pulis Makakalikasan: 10 Milyong Puno Pamana sa Kinabukasan”.
Ang ilog ng Uacon ay may kabuuang mahigit sa 37 hektaryang lawak kung saan isinagawa ang pagtatanim ng mga puno.
Bago sinimulan ang pagtatanim sa mga Bakawan, ipinaliwanag naman nina Senior Supt. Francisco Santiago Jr. at PO2 Enrique Parentela Jr. ang tamang paraan ng pagtatanim.
Nanguna sa pagtatanim sina Zambales Police Provincial Office (ZPPO) Director, Senior Supt. Francisco Santiago Jr., at may bahay ni PRO3 Director, Chief Supt. Edgardo Ladao na si Niania Ladao ng PNP Ladies Club.
Nakiisa din sa pagtatanin ng Bakawan ang mga kinatawan ng Department of Interior and Local Government, Provincial Environment and Natural Resources Office-Zambales, 24th Infantry Battalion, 7 Infantry Division ng Philippine Army, mga pulis sa 13 bayan ng Zambales at mga barangay officials ng Uacon, Candelaria, Zambales, ganun din ang mga Ladies Club mula sa Tarlac, Nueva Ecija, Bulacan, Pampanga, Olongapo City at Zambales.
