Sa Achieved! From Reel to Real na first tell-all interview ng JaDine aired last Sunday, ikinu-wento ng dalawa kung paano nga ba nagsimulang ma-develop ang feelings nila for each other.
Ayon kay Nadine, nagkaroon daw sila ng matinding away noong premiere night ng Wang Fam at hindi sila nag-usap for four days.
“It was terrible,” describe ni James sa feeling na hindi sila nag-uusap ni Nadine.
Say pa ng young actor, doon daw niya na-realize kung gaano kaimportante si Nadine sa buhay niya.
Kaya nang magkaayos sila, bumawi naman siya ng bonggang-bongga nang mag-taping sila ng OTWOL sa Ilocos.
Inamin ni James na at first ay talagang hindi niya gusto si Nadine.
“With Nadine, because I never liked her before, and I never imagined us getting together ever in the future. I was completely weird with her, silly, and I pick my nose in front of her like I would with a best friend, like anyone with a best friend, no one else.
“And I realized, ‘Wow, I’m completely myself when I am with her, and I don’t have to try to be anyone else.’ It made falling in love with her so easy,” kwento ni James.
Si Nadine naman, nagsimula na ring makaramdam ng kakaibang happiness kapag kasama si James.
“He always makes me laugh, tapos palaging magaan pakiramdam ko ’pag kasama ko siya. Before, ako kasi, para akong yaya. Lahat ginagawa ko para sa kanya. Alam mo ’yun?
“Ako, nabibigay ko sa kanya, so walang natitira for me. So, gusto ko, parang nagbibigay din sa ’kin, kasi nga ubos na ubos, e. Tapos, gusto ko rin someone… ’yung, ’yun nga, laging nagpapatawa sa ’kin, who will make me smile,” say ni Nadine.
Habang iniinterbyu ang dalawa ay talagang hindi mapaghiwalay ang mga kamay nila’t laging magka-holding hands. May time pa hinalik-halikan ni James ang kamay ni Nadine.
Maging ang host na si Robi Domingo na certified OTWOLISTA ay nagsabing kinikilig siya talaga sa dalawa.
Nakakakilig ’yung statement ni James na “before I wasn’t attracted to her, but now that I’m in love with her, I think she’s so beautiful no matter what she does.”
