Likuan ku ing sadiang obra ku king gabun
Uling aisip ku ing malis panintun;
Kasi pin nung ngaku, keni ku magdatun
Makanian na ku mu king kabang panaun?
Inia binalak ku: ba’kung makatipun,
Ing mag-‘abroad’ mekad ya kabud solusyun;
Ban keta e na ku mate kunsumisyun
Karin king marangle alus patingapun.
Wayta, ing gewa ku, pemisali ku ngan
Ing anggang gamit ku para king asikan;
Pati ing damulag a kakung gatasan
Leko ku ne uling e ku ne kailangan;
At antining aku mako kung mandaywan,
Nanan ko pin namang king pamilya lakuan?
Metung la pa ngakung kanakung isipan
Potang ati’ na ku king aliwang lugal.
Malagua’t salita, milako kung agad
Kaibat na ning atlung bulan a mayatyat,
A pamag-‘apply’ kung manibat king abak
Mangaranup-danup, aldo-aldo maglakad;
Makanian man uling kanakung paninap
Ing miras keng ‘abroad’ ampon maging sikat,
E ku melumbe man at e lalung kiniak
Iniang lakuan ko’ ring kakung aduang anak.
Antimurin naman ing kakung asawa
E ke’ ikit nabis melungkut man keta,
Nune bagkus iti meging masaya ya
Banting mekad e ku ma-’homesick’ keti pa;
Para mu naman yan kareting anak ta’
Ngana pa kanakung sinabi kanita,
At ngaku naman mong’ minatba pin kaya:
“Ala kang ganakan, agyu kung mibata”
At uli ning mekad sabik lang masyadu
Ban makakit ‘airport’ dening pamilya ku,
Alas tres pa yata ning abak siguru,
Karin king NAIA, inatad da na ku;
King kaligaga rang makapag-‘abroad’ ku,
Sinobra la danun menagkat kanaku;
Waman alas dos ya pa’ing eroplanu
A dapat kung saken papuntang destinu.
Karas king Arabia, e ditak a inip
Ing pibabata kung lalabanan pilit;
Uling nanung daptan, bistaman masakit,
Nune ing mibatang karin mamalipit!
Burian ku man keta magnasang mibalik,
E ku kararagli arapat magpildis;
Obat e na ku mu maguantang lilindis,
Potang sumpung itang manintun kung lambis?
Tikman ku ing alus angga na king abak,
E na ku delawan ning tundu kabukas;
Madalas ing benging, wa ta’ ku makapiak,
Dapot e matudtud unabis ing utak;
O nung arapat kung tikdo ku’t gulisak,
King tindi ning ‘homesick’ gewa ku na mekad;
Mangibabo mupin ing malagung angad
A ing kakambal na tagumpe ya bukas!
Atyu ku man karin king disyertung dakal
A nung nu’ ing obra tiktak king kapagal;
King balang penandit ala kung isipan,
Nune ding anak ku’t asawang melakuan;
O nung mengari mung anti lang agtalan,
Karing kalendaryu ing bilang ding bulan,
Gewa ku na sana ing gisan kong’ tinggal
Ban ing panuli ku agad nang mirasan!
(Atin yang kasuglung)
Uling aisip ku ing malis panintun;
Kasi pin nung ngaku, keni ku magdatun
Makanian na ku mu king kabang panaun?
Inia binalak ku: ba’kung makatipun,
Ing mag-‘abroad’ mekad ya kabud solusyun;
Ban keta e na ku mate kunsumisyun
Karin king marangle alus patingapun.
Wayta, ing gewa ku, pemisali ku ngan
Ing anggang gamit ku para king asikan;
Pati ing damulag a kakung gatasan
Leko ku ne uling e ku ne kailangan;
At antining aku mako kung mandaywan,
Nanan ko pin namang king pamilya lakuan?
Metung la pa ngakung kanakung isipan
Potang ati’ na ku king aliwang lugal.
Malagua’t salita, milako kung agad
Kaibat na ning atlung bulan a mayatyat,
A pamag-‘apply’ kung manibat king abak
Mangaranup-danup, aldo-aldo maglakad;
Makanian man uling kanakung paninap
Ing miras keng ‘abroad’ ampon maging sikat,
E ku melumbe man at e lalung kiniak
Iniang lakuan ko’ ring kakung aduang anak.
Antimurin naman ing kakung asawa
E ke’ ikit nabis melungkut man keta,
Nune bagkus iti meging masaya ya
Banting mekad e ku ma-’homesick’ keti pa;
Para mu naman yan kareting anak ta’
Ngana pa kanakung sinabi kanita,
At ngaku naman mong’ minatba pin kaya:
“Ala kang ganakan, agyu kung mibata”
At uli ning mekad sabik lang masyadu
Ban makakit ‘airport’ dening pamilya ku,
Alas tres pa yata ning abak siguru,
Karin king NAIA, inatad da na ku;
King kaligaga rang makapag-‘abroad’ ku,
Sinobra la danun menagkat kanaku;
Waman alas dos ya pa’ing eroplanu
A dapat kung saken papuntang destinu.
Karas king Arabia, e ditak a inip
Ing pibabata kung lalabanan pilit;
Uling nanung daptan, bistaman masakit,
Nune ing mibatang karin mamalipit!
Burian ku man keta magnasang mibalik,
E ku kararagli arapat magpildis;
Obat e na ku mu maguantang lilindis,
Potang sumpung itang manintun kung lambis?
Tikman ku ing alus angga na king abak,
E na ku delawan ning tundu kabukas;
Madalas ing benging, wa ta’ ku makapiak,
Dapot e matudtud unabis ing utak;
O nung arapat kung tikdo ku’t gulisak,
King tindi ning ‘homesick’ gewa ku na mekad;
Mangibabo mupin ing malagung angad
A ing kakambal na tagumpe ya bukas!
Atyu ku man karin king disyertung dakal
A nung nu’ ing obra tiktak king kapagal;
King balang penandit ala kung isipan,
Nune ding anak ku’t asawang melakuan;
O nung mengari mung anti lang agtalan,
Karing kalendaryu ing bilang ding bulan,
Gewa ku na sana ing gisan kong’ tinggal
Ban ing panuli ku agad nang mirasan!
(Atin yang kasuglung)
