1.
May PANUKALANG BATAS ng sa kongreso inihain
na ang anti dynasty bill ay kanilang TALAKAYIN
sa panahon natin ngayon dapat lamang BIGYANG PANSIN
ang usapin hinggil dito ay kailangang PAIGTINGIN
political dynasty na UMIIRAL dito sa’tin
di na dapat pang maghari’t nararapat ng BUWAGIN
2.
na kung saan KAPAMILYA lang at mga KAMAG-ANAK
ang mga NAGPAPALITAN sa tungkulin gumaganap
sa pwesto ay KAPIT-TUKO at ayaw ng magsilayas
kahit nalalaman nilang sila’y hindi NARARAPAT
mga dapat humalili tao na may INTEGRIDAD
ay walang pagkakataon MAKAPAGLINGKOD ng tapat
3.
Ang POLITICAL DYNASTY walang buting idudulot
mithi nating kaunlaran, bumabagal, NAUUDLOT
dahil ito ang ugat ng matinding PANGUNGURAKOT
na TALAMAK ngayon sa’ting inang-bayang iniirog
kailan kaya MAGWAWAKAS, hanggang kailan MATATAPOS ?
ganyang uri ng sistemang sa atin ay DUMADAGOK
4.
Sa’ting mga kongresista sino kayang SASANG-AYON ?
ganoon din sa hanay ng MAGIGITING na senador
itong anti dynasty bill nitong mga NAGSUSULONG
na ito’y MAISABATAS sa darating na panahon
kung may mga tila ayaw MAGSIALIS sa posisyon
mga PULITIKONG GANID sa panahon natin ngayon
5.
Magpipinsan, mag-iina, o kaya’y MAGKAKAPATID
na lamang ang nakikita nating NAGPAPALIT-PALIT
matitinong pulitiko na dapat sanang PUMALIT
sa kanila’y hindi nila HAHAYAANG makasingit
ang ganitong sistema ba ay di kaya PANGGIGIPIT ?
ng mga nasa posisyong sarili ang INIISIP
6.
Ang political dynasty pag ito ang NANATILI
wala ng pagkakataon na tayo ay MAKAPILI
ng lider na matitinong sa atin ay KAKANDILI
tungo sa PAG-UNLAD na siya nating pinakamimithi
katulad sa nakaraan na tayo ay NAKATALI
sa KADENA ng dayuhan na sa atin umaglahi
7.
May pag-asa pang mabago itong BULOK na sistema
na NAGHAHARI sa ngayon dito sa’ting bansang ina
sa anti dynasty bill ay kailangang MAGKAISA
mga mambabatas natin na ito ay WAKASAN na
ito ay nagpapadumi sa ngalan ng PULITIKA
na kung saan mamamayan at bayan ang NAGDURUSA
