Kung anong mayrun sa ‘public cemetery’
Ng San Simon itong sa ‘tin itinimbre
Nitong ilang apektadong residente
At nagawi na sa libingang nasabi
Hinggil sa kakaibang tanawin sa lugar,
Kung saan maliban sa nitso ng patay
Kurus na pananda at rehas na bakal
Ay may makikita rin yatang kulungan?
Ng baboy at manok puwera pa sa kambing
Na nakatali at tila doon na rin
Nakatira pati itong sinasabing
May-ari n’yan ayon sa ‘informants’ natin.
Na talaga namang pang-‘believe it or not’
Ang puedeng makita kahit anong oras
Sa lugar kung saan may mga nagkalat
Na dumi ng kambing at iba pang etsas!
Sa bungad pa lang ng naturang libingan
Ay masisingot na rito ang kakaibang
Amoy na bukod sa ya’y napakasansang,
Nakapandidiri kung ating pagmasdan.
Aywan nga lang natin kung bakit umabot
Sa puntong pati na ibabaw ng puntod
Ay nagsilbi na ring kulungan na halos
Ng kanilang alagang kambing at manok.
Bukod sa ibang puntod na naging patungan
Na ng kaldero at ginawang sangkalan
Ng ‘gas store’ saka iba pang lutuan
Na medyo ma-uling at maruming tingnan.
At kahit kaunti man lang yatang respeto
Sa kaluluwa ng nakahimlay rito
Ay wala na, kaya anuman siguro
Ang ninanais ay ginagawa rito?
At walang pangiming gawin ang anuman
Sa ibabaw ng nitso at kapaligiran,
Kahit batid nilang ya’y paglapastangan
Pati sa pamlya ng mga namatay?
(Na kung puede lang sigurong magreklamo
Ang mga patay na, ginawa nang piho
Sanhi na rin nitong malaking istorbo
Na ginagawa ng nakatira rito)
Sa puntong yan, komo itong mga patay
Ay di magawang magsumbong sa barangay,
Kay mayor, kay gob o kaninong konsehal
Hahayaan na lang nating magkaganyan?
Ang huling hantungan ng mga yumao
Nating kapamilya ay maging mabaho?
Na di maikakaila partikular na po
Sa pang-amoy nitong dito nagtutungo.
Residente lang ba ng bayang San Simon
Na apektado r’yan ng masamang amoy
Nitong sementeryong ating tinutukoy
Ang may karapatang gumawa ng aksyon?
Upang ang naturang ‘public cemetery’
Na ngayon ay naging tapunan ng dumi;
At kung saan ito animo ay ‘poultry’
Ng baboy sa bungad pa lamang o ‘entry”
Ay mapag-ukulan ng matamang pansin
Ng kung aling sektor ng gobyerno natin
Ang pagpapalis sa mga nasabing
‘Informal settlers’ at mababahong kambing.
Na nakasisira sa imahe nitong
‘Public cemetery’ ng bayang San Simon
Na parang ‘poultry’ na ng kambing at baboy
Ang bukana nito sa sama ng amoy!
Ng San Simon itong sa ‘tin itinimbre
Nitong ilang apektadong residente
At nagawi na sa libingang nasabi
Hinggil sa kakaibang tanawin sa lugar,
Kung saan maliban sa nitso ng patay
Kurus na pananda at rehas na bakal
Ay may makikita rin yatang kulungan?
Ng baboy at manok puwera pa sa kambing
Na nakatali at tila doon na rin
Nakatira pati itong sinasabing
May-ari n’yan ayon sa ‘informants’ natin.
Na talaga namang pang-‘believe it or not’
Ang puedeng makita kahit anong oras
Sa lugar kung saan may mga nagkalat
Na dumi ng kambing at iba pang etsas!
Sa bungad pa lang ng naturang libingan
Ay masisingot na rito ang kakaibang
Amoy na bukod sa ya’y napakasansang,
Nakapandidiri kung ating pagmasdan.
Aywan nga lang natin kung bakit umabot
Sa puntong pati na ibabaw ng puntod
Ay nagsilbi na ring kulungan na halos
Ng kanilang alagang kambing at manok.
Bukod sa ibang puntod na naging patungan
Na ng kaldero at ginawang sangkalan
Ng ‘gas store’ saka iba pang lutuan
Na medyo ma-uling at maruming tingnan.
At kahit kaunti man lang yatang respeto
Sa kaluluwa ng nakahimlay rito
Ay wala na, kaya anuman siguro
Ang ninanais ay ginagawa rito?
At walang pangiming gawin ang anuman
Sa ibabaw ng nitso at kapaligiran,
Kahit batid nilang ya’y paglapastangan
Pati sa pamlya ng mga namatay?
(Na kung puede lang sigurong magreklamo
Ang mga patay na, ginawa nang piho
Sanhi na rin nitong malaking istorbo
Na ginagawa ng nakatira rito)
Sa puntong yan, komo itong mga patay
Ay di magawang magsumbong sa barangay,
Kay mayor, kay gob o kaninong konsehal
Hahayaan na lang nating magkaganyan?
Ang huling hantungan ng mga yumao
Nating kapamilya ay maging mabaho?
Na di maikakaila partikular na po
Sa pang-amoy nitong dito nagtutungo.
Residente lang ba ng bayang San Simon
Na apektado r’yan ng masamang amoy
Nitong sementeryong ating tinutukoy
Ang may karapatang gumawa ng aksyon?
Upang ang naturang ‘public cemetery’
Na ngayon ay naging tapunan ng dumi;
At kung saan ito animo ay ‘poultry’
Ng baboy sa bungad pa lamang o ‘entry”
Ay mapag-ukulan ng matamang pansin
Ng kung aling sektor ng gobyerno natin
Ang pagpapalis sa mga nasabing
‘Informal settlers’ at mababahong kambing.
Na nakasisira sa imahe nitong
‘Public cemetery’ ng bayang San Simon
Na parang ‘poultry’ na ng kambing at baboy
Ang bukana nito sa sama ng amoy!
