Kung taga Arayat ang nagsabi mismo
Na may iligal na aktibidad dito
Gaya ng anila nga po’y pagtutroso
At “treasure hunting” ay di malayong ito
Ang naging sanhi ng “landslide” sa naturang
Bayan na kung saan ang kaawa-awang
Magpapamilya ay nalibing ng buhay
Habang kasagsagan ng hangin at ulan;
Dulot ng malakas na “tropical storm”
O bagyung pinangalanan nilang Ondoy;
Na nanalasa sa buong Sentral Luzon,
NCR, at ilang bayan sa Region IV.
Nakapagtatakang nangyari at sukat
Sa naturang bayan ang grabeng “landslide;”
Kung kaya malaki ang posibilidad
Na totoo ang nasabing aktibidad;
Aywan lang kung bakit itong DENR
Ay tila ni walang masabi hinggil d’yan
Gayong sa balikat nila naka-atang
Ang mangalaga sa ating kalikasan.
Sila itong taga-isyu ng pahintulot
Sa pagmimina sa ating mga bundok;
Pero ano itong sabi’y nakapasok
Na “treasure hunter” d’yang naghukay sa loob?
At ayon sa ilang taga roon mismo
Ay dinig pati ang “blastings” mula rito
O pagpapasabog sa parteng mabato
Ng bundok kung kaya pihong may milagro!.
Kung di pagmimina, at ang sabi nitong
Isang nangangalang Ricardo Calderon,
Na diumano ay Executive Director
Ng DENR dito sa 3rd Region,
Ay “treasure hunting” nga’t pinaalis na ‘yon,
Pero alam n’yo bang di magtatapos d’un
Ang isyu hinggil sa ilang negatibong
Epekto ng mga pinag-gagawa r’on?
Natural lamang na ang lupa’y lalambot
At magkakaroon ng bitak ang bundok,
Na siyang naging sanhi nitong pagdausdos
Ng naglalakihang batong nangahulog;
Na kaalinsabay nalaglag sa bubong
Ng mabatong lupa, na siyang nagbaon
Ng buhay sa ilang residente roon;
Bunsod ng ginawang paghuhukay doon!
Maari bang kahit sino’y makapasok
Kung di DENR din ang nagkaloob
Ng kung anu-anong mga rekisitos,
Na kinakailangan upang makakilos?
Pero kung ganitong mistulang inutil
Ang namamahala n’yan dito sa ‘tin,
Ano pa nga ba ang pinakamagaling
Liban sa siya ay marapat kwestyunin?
Partikular hinggil sa patuloy pa rin
Umano sa lugar ang “illegal logging,”
At yan madali raw pong mapapansin
Sa nagsulputan d’yan na “furniture making?”
Na may iligal na aktibidad dito
Gaya ng anila nga po’y pagtutroso
At “treasure hunting” ay di malayong ito
Ang naging sanhi ng “landslide” sa naturang
Bayan na kung saan ang kaawa-awang
Magpapamilya ay nalibing ng buhay
Habang kasagsagan ng hangin at ulan;
Dulot ng malakas na “tropical storm”
O bagyung pinangalanan nilang Ondoy;
Na nanalasa sa buong Sentral Luzon,
NCR, at ilang bayan sa Region IV.
Nakapagtatakang nangyari at sukat
Sa naturang bayan ang grabeng “landslide;”
Kung kaya malaki ang posibilidad
Na totoo ang nasabing aktibidad;
Aywan lang kung bakit itong DENR
Ay tila ni walang masabi hinggil d’yan
Gayong sa balikat nila naka-atang
Ang mangalaga sa ating kalikasan.
Sila itong taga-isyu ng pahintulot
Sa pagmimina sa ating mga bundok;
Pero ano itong sabi’y nakapasok
Na “treasure hunter” d’yang naghukay sa loob?
At ayon sa ilang taga roon mismo
Ay dinig pati ang “blastings” mula rito
O pagpapasabog sa parteng mabato
Ng bundok kung kaya pihong may milagro!.
Kung di pagmimina, at ang sabi nitong
Isang nangangalang Ricardo Calderon,
Na diumano ay Executive Director
Ng DENR dito sa 3rd Region,
Ay “treasure hunting” nga’t pinaalis na ‘yon,
Pero alam n’yo bang di magtatapos d’un
Ang isyu hinggil sa ilang negatibong
Epekto ng mga pinag-gagawa r’on?
Natural lamang na ang lupa’y lalambot
At magkakaroon ng bitak ang bundok,
Na siyang naging sanhi nitong pagdausdos
Ng naglalakihang batong nangahulog;
Na kaalinsabay nalaglag sa bubong
Ng mabatong lupa, na siyang nagbaon
Ng buhay sa ilang residente roon;
Bunsod ng ginawang paghuhukay doon!
Maari bang kahit sino’y makapasok
Kung di DENR din ang nagkaloob
Ng kung anu-anong mga rekisitos,
Na kinakailangan upang makakilos?
Pero kung ganitong mistulang inutil
Ang namamahala n’yan dito sa ‘tin,
Ano pa nga ba ang pinakamagaling
Liban sa siya ay marapat kwestyunin?
Partikular hinggil sa patuloy pa rin
Umano sa lugar ang “illegal logging,”
At yan madali raw pong mapapansin
Sa nagsulputan d’yan na “furniture making?”
