SA NAKARAANG Christmas concert ng Kapamilya network sa Araneta Coliseum, nasorpresa si Anne Curtis nang mismong si Bea Alonzo ang nagtanggol sa kanya.
“Hindi totoo ang mga bali-balita na hindi pinalakpakan ng audience si Anne. Nandu’n ako at na-witness ang masigabong palakpakan ng audience sa kanya, lalo na nang alisin niya ang isang saplot sa katawan at na-reveal ang kanyang kaseksihan.
Nainggit nga ako, eh,” aniya. “Unfair para kay Anne ang maling balita. Nagsorry na siya at iyon ang importante sa lahat. Ang humingi ka ng paumanhin sa mga taong nasaktan mo. She’s very humble.”
Naging isang malaking tagumpay din ang concert ni Anne sa Doha, Qatar. Hindi lamang paghanga ang ipinadama kay Anne ng mga Pilipino sa dakong iyon ng mundo kundi ang labis nilang pagmamahal.
At kung pagmamahal ang pag-uusapan, kailangan n’yo lang mapapanood mula Lunes hanggang Biyernes ang pagtatanghal ng Showtime tuwing tanghali sa ABS para mapanood ang isang napaka-professional na Anne na tinatangkilik ng madlang pipol, despite the issue.
