Tulad ni Derek Ramsay, ikinalungkot din ni Anne Curtis ang order sa kanya ng ABS-CBN na bawal banggitin ang name ng aktor sa tuwing magpo-promote ng A Secret Affair na showing na sa Oct. 24.
“Kasi, ’di ba, parang, ‘bakit, nandito (sa movie) rin naman kami ni Andi (Eigenmann), eh.’ But as I’ve said, I just have to understand na lang whatever it is,” say ni Anne nang makausap namin sa presscon ng movie.
Siyempre, bilang talent lang din ng network ay wala naman daw siyang ibang magagawa.
“Wala naman akong magagawa du’n, eh. I mean, that’s between the two of them, so, ang magagawa ko na lang is to respect their decision, ’di ba? It’s their network, so, ano’ng magagawa ko?” she said.
Ganunpaman, na-touch si Derek sa kanya dahil binabanggit pa rin daw niya ang pangalan ng leading man.
“Well, yeah, I’m not gonna say, it’s just me and Andi. Sinasabi ko, ‘at kilala n’yo na ang leading man ko doon.’
I mean, ’di ba? I mean it’s only proper naman that at least, acknowledge that there’s a leading man, not necessarily say the name. ’Yun lang naman ang sinabi sa akin, ‘don’t say the name.’ Nakaka-sad lang, sobra,” say pa ni Anne.
Asked how was it working with Andi, ani Anne, “She’s a gem. I mean, she will shine in this movie, I’m so happy na ginawa niya, mahusay siyang artista, magle-level-up dito ’yung bagets. Parang in this film, she’ll become a woman.”
So, kinabog siya ni Andi rito sa sexy scenes?
“Oo, oo naman! Kaya nga I’m very open and even told Andi, sabi ko, ‘girl, you’re going to shine in this film.’ Kasi nag-aalangan pa siya noong una, eh. Sabi ko, ‘girl, believe me, the bad girl is always the best role to portray.’
“Tapos, nu’ng pinapanood ko, alam mo, kaya naman niya, mahusay. She will really shine in this film,” papuri ni Anne.
So, ipinaubaya na talaga niya kay Andi ang paghuhubad?
“Hindi naman paghuhubad, eh. Hindi siya naghubad dito. Pero ’yung pagma-maldi-maldi (pagmamaldita), ’yun. Basta, when you see the film kasi, it’s different from your typical love scenes that they show in Filipino films nowadays.
’Yung talagang dramatic love scenes, whatever. Very matter of factly lang, what happens between couples, ganu’n.”
Samantala, inanunsyo sa presscon na close to two million na ang views ng trailer sa YouTube in just two weeks at ang new “uncut” trailer naman ay naka-reach na raw ng 300,000 views in just three days.
