pagtalima sa tungkulin at iba pa
na marapat bigyang pansin sa tuwina
ng kagalang-galang na si Mayor EdSa
Ano pa mang bagay na may kinalaman
sa pamalakad niya at posisyong tangan,
darating sa puntong siya’y mapabilang
sa ‘World Class City Dad,’ gaya ng sinundan
Pagkat tunay namang ang kanyang pag-ganap
ng kanyang tungkulin naa-ayon lahat
sa sinumpaan niya, na kanyang sinikap
mapangalagaan ay magiging tatak
Ng isang mabuting ‘government official’
na handang tumupad sa lahat ng kanyang
ipinangako sa mga kababayan,
na anumang oras na siya’y kailangang
Mamuno sa lahat ng mga marapat
asikasuhin at mabigyan ng lunas
partikular na riyan kung may kalamidad,
at kung saan ‘active’ ang butihing ‘City Dad’
At lahat na ng kanyang ’12-point agenda’
ay matagumpay na nagawa ni EdSa
sa tulong ng mga Department Head niya
at ng karaniwang mga empleyado pa.
Isa si ‘yours truly’ sa mga dumalo
sa SOCA ni Mayor noong treynta’y uno
ng nakaraang buwan kaya dinig nito
ang Ulat sa Bayan ni Mayor Santiago.
Na sa ganang aking sariling pananaw
ay di ‘papogi points’ lang ng ating Mayor
ang mga sinabi niya sa oras na iyon,
kundi ng ika nga’y sadyang naa-ayon
Sa tunay na naging ‘performance’ talaga
at katuparan mga pangako niya
noong kasagsagan ng pangangampanya
ni Mayor hanggang sa siya’y maupo na.
Pero sa loob ng halos tatlong taon
na niyang pagkaupo bilang City Mayor,
ay tunay naman siya’y naging ‘Man of Action’
dala ng siya ay ‘taga-sa-panahon’
At talaga namang isang mahusay na
‘public servant’ ang ating si Mayor EdSa,
na posibleng sabi’y bukas-makalawa
ay mapabilang sa ‘The best’ sa Pampanga.
Kagaya ng pagiging ‘The best City Dad
the city of San Fernando (P) ever had;
Tulad ni Cong. Oca, sa’ting isinulat
na ‘article’ sa panahong nakalipas.
Tulad din ni EdPam ng Angeles city,
nina Davao mayor Rodrigo Duterte
at Guerrero ng Floridablanca pati,
na talaga naman ding kapuri-puri
Sa panunungkulan, na maihahambing
kay ‘Nanay Baby’ sa tawag ng tungkulin,
na makasampu man niyang ulit-uliting
humabol ay gustong-gusto pa rin natin.
Kaya nga’t kung minsan ating nasasabi
na itong limit lamang sa ‘3 terms’ kasi
ang ‘terms of office’ ng lahat di mabuti
para sa tunay na matapat magsilbi.
Pero para sa di mabubuting tao
ay mahaba na ang kahit isang linggo,
ang itatagal n’yan sa alin mang puesto
pagkat ang dulot ay tiyak na kalbaryo!
